Ekoqo`mita xodimlari 25 mln.dan Kislovodskda dam olishga ketyapti

19.12.2022 19:19

Mamlakatda so`ngi yillarda ekologik tanazzul ortsa ortdiki, ijobiy holat kuzatilmadi.

Daraxtlarning ayovsiz kesilishi, ko`kalamzorlarning cho`llanishi, daryo o`zanlari va qirg`oq bo`ylariga etkazilayotgan jiddiy zarar, ichimlik suvining yildan-yilga kamayish ehtimoli ortayotgani kabi ko`plab muammolarni yumshatishga Ekologiya qo`mitasi aniq chora-tadbirni hali ishlab chiqmagan.

Yurtimizning ayrim shaharlari, xususan, poytaxt Toshkent shahrining o`zi ham dunyoda havosi eng ifloslanadigan hududlar qatorida sanalmoqda. Ammo, odatiy tadbirbozlik va bir ikkita mayda ishlarni ko`rsatmaganda eklogiya mutasaddilari hozircha O`zbekiston tabiatini, fauna va florasini asrash yo`nalishida arzirli islohotlar qila olgani yo`q.

Bu holatlardan xulosa qilgan jamoatchilik faollari “O`zbekistonda ekologik vaziyat soat sayin ayanchli holatga kelayapti”, demoqda. “Ko`chaga chiqsang qum-chang bo`ronlar, havo ifloslangan, suv va erni sho`ralanishi... Bularning oqibatida insonlarda paydo bo`layotgan turli kasalliklar. Daraxtlar va “Qizil kitob”ga kiritilgan hayvonlarni qirg`ini... Bu muammolarni o`ylab, bu ketishda O`zbekistonda yashashni ham, nafas olishni ham imkoni bo`lmay qolsa kerak”.

Biroq, shunday holatda ham Ekologiya qo`mitasi mutasaddilarining Kislovodsk kurortidagi O`zbekiston sanatoriyasida dam olishga ketayotgani haqidagi xabarlarning paydo bo`lishi o`zi ajablanarli.

Tarmoqlarda aytilishicha, Bosh vazir topshirig`iga asosan dam olish, davolanish va eng asosiysi bilim olish-malaka oshirish uchun eng bahavo Kavkaz tog`larida joylashgan Kislovodsk shahridagi “O`zbekiston” sihatgohiga ketishmoqda.

Yil davomida 11 nafar ekolog-chinovnik bor-yo`g`i 275 mln so`mga so`lim go`shada dam olib kelishadi. Kishi boshiga 25 mln. so`mdan tushadi.

Saytimizda mavzuga oid bir qancha materiallar e`lon qilingan:

Ekologiya sohasida deyarli hech narsa qila olmagan ekopartiya raisi, endi Ekologiya qo`mitasiga rahbar bo`ldi

Ekologiya qo`mitasi daraxt kesilish mashmashasida aybdor deb jurnalistni jazoladi — AOKA, Mass media va Jurnalistlar uyushmasi jim...

 — Ekologiya qo`mitasiga ko`ra, daraxt kesish 55 foizga qisqargan. Siz bunga ishonasizmi?

«Mercedes», «Toyota 200», «E-bora” va «Volkswagen ID-6» — Ekoqo`mita raisi N.Oblomurodov xizmatida

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
3
Изоҳ қолдириш
Изоҳлар
20.12.2022 12:09
Экология партияси борлигини факат сайлов вактида биламиз. Колган вактларда каерда, Нима ишлар билан шугулланишади бу яратганга маьлум. Улар хам бошка партиялар каби сенатда савлат тукиб утириш ва отни калласидай маош олиш учун сайланишса керакда.
20.12.2022 09:24
Ишхурга иш ошхурга Ош деб бекорга айтишмаган майли шуларниям хисоб китоби бордур