«Mercedes», «Тoyota 200», «E-bora” ва «Volkswagen ID-6» — Экоқўмита раиси Н.Обломуродов хизматида

13.08.2022 09:03

ЁХУД Экоқўмита раисига 4-5 талаб машина хизмат қилаётган бир пайтда, унинг чекка ҳудудлардаги ходимлари 1,5 млн. сўм ойликка кун кўрмоқда

 

«Mercedes», «Тoyota 200», «E-bora” ва «Volkswagen ID-6» электр автомобиллари — Экология ва атроф-муҳитни муҳофаза қилиш давлат қўмитасининг раҳбари Нарзулло Обломуродовга худди ана шу энг сўнгги русумдаги замонавий машиналардан фойдаланади.

Бу пайтда эса худди шу тизимда фаолият юритаётган қўмитанинг вилоят бўлимлари ходимлари эса муаммоли жойларни чиқиб ўрганишга ҳам маошлари етмайди. Қўмитанинг вилоят бўлимлари танг аҳволда қолмоқда. Яъни, қўмита раиси Н. Обломуродов энг сўнгги русумдаги электрокарларда юрган бир вақтда Экология қўмитасининг ҳудудий бўлимларида ходимлар 1,5 млн. - 2 млн. сўм ойликка қаноат қилмоқда. 

Хусусан, ўтган йили Экология ва атроф-муҳитни муҳофаза қилиш давлат қўмитасининг Тошкентдаги «Юксалиш» умуммилий залида йиғилиши бўлиб ўтган. Йиғилишда қўмитанинг Жиззах бўлими вакиллари: вилоят бўлимларидаги аҳвол оғир эканлигини, маошлари бор йўғи 1 миллион 200 минг сўмни ташкил этишини,  қўшимча тўловлар билан аранг 2 миллионга етишини айтишган.

Шунингдек, ўша йиғилишда ҳудудлар зарур техникалар билан жиҳозланмагани таъкидланган. Яъни дарахтларни илдизи билан кўчириб ўтказиш мосламаси фақатгина Тошкент шаҳридагина мавжуд, у ҳам бўлса бир дона эканлиги афсус билан тилга олинган. Бу ҳақида сайтимизда “Ўзбекистон экологияси кам маош, техникаси ва ваколати йўқ, абгор ҳолатдаги қўмита қўлида қолмоқда” мақола эълон қилинган эди.

Rost24.uz сайти Обломуродовнинг 4 та хизмат машиналари ҳақидаги маълумотни ишончли манбадан тасдиқлади.

Бутун бошли қўмитада бир дона дарахтларни илдизи билан кўчириш ускунаси бор бўлса-ю, раҳбарининг ўзига энг сўнги русумдаги 4-5 та машина хизмат қилса?! Rost24.uz'да бундан олдин “Экология соҳасида деярли ҳеч нарса қила олмаган экопартия раиси, энди Экология қўмитасига раҳбар бўлди” мақоласи ҳам эълон қилинган эди. 

Эслатиб ўтамиз: Н.Обломуродов  республиканинг етакчи нашрларидан бири бўлган "Халқ сўзи" газетаси Бош муҳаррири Ўткир Раҳматовнинг куёви ҳисобланади.

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
58
Изоҳ қолдириш
Изоҳлар
21.08.2022 13:28
Ишдан олиш керак. Бунақаларни... Экология бузилмоқда
15.08.2022 20:44
Тўҳмат бўсачи? Ғийбатчилар ҳорманглар
15.08.2022 19:09
Tabiiy hol biz ucun bosinglar
15.08.2022 19:08
Zato musaffo
15.08.2022 18:58
Рахмат,шу мавзуни кутарган угилболага! Курамиз нима узгараради.
15.08.2022 02:21
Izoh
15.08.2022 02:19
Shu mashinalarni qanchaga olingani ham aytilishi va bu pulga qancha ishlar qilinishini ham yozish kerak
14.08.2022 04:32
Бефойда
13.08.2022 23:15
Ex ONA YURTIM
13.08.2022 21:51
Экология партияси хам, Экология кумитаси хам хеч бир иш килмайди Уларга давлат бюджетидан милардлаб пул ажиратилади. Навоий шахар ногиронлар жамияти ховлисида дарахтлар куриб етибди.бу ташкилотга давлат бюджетидан бир тийин хам ажратилмайди.
13.08.2022 20:11
Яна битта мошина осала 5 иш кунига 5 хил мошинада борадила
13.08.2022 19:18
Гап йўқ. Сайт зўр. Биринчи марта ўқиябман дизайни ҳам ёқди.
13.08.2022 19:17
Oldin ism familiyasini ozgartirsin. Narzullamas Nazrulloh bosa kere keyin Oblomurodovmas Allohmurodov bosa kere
13.08.2022 17:27
Bunaqalar kupayib ketdi. Maqollani uqib ajablanmadim tabiiy holday bup qoldi.
13.08.2022 17:20
Бунака маъсулятсиз амалдорларни таг-томири билан йукотиш керак!
13.08.2022 16:58
Ўрни қачон бўшар экан, эгаллаган бўлардим