Экология қўмитаси дарахт кесилиш машмашасида айбдор деб журналистни жазолади — АОКА, Масс медиа ва Журналистлар уюшмаси жим...

09.08.2022 16:49

Тошкентнинг Чилонзор кўчасида дарахтлар кесилиши аҳоли томонидан катта норозиликларга сабаб бўлган эди. 

Экология қўмитаси бу норозиликларнинг айбдорини топган кўринади. Қўмитанинг матбуот котиби Бунёд Абдуллаев айнан шу норозиликлар сабабчиси сифатида ишдан олинганини айтмоқда.

Экология ва атроф муҳитни муҳофаза қилиш давлат қўмитаси матбуот котиби Бунёд Абдуллаев иккинчи бор ишдан бўшатилгани ҳақида хабар берди. Бунга сабаб: "Чилонзордаги воқеада жамоатчиликнинг муҳокамасини, Экология қўмитасига эътирозларини тўхтатиб қололмаганлигим эмиш. Шу баҳона билан раис мени хонасига чақириб, оғир гаплар айтди. Чиқибоқ , ўз хоҳишимга биноан ишдан бўшашни сўраб ариза  ёздим", дейди у Qalampir.uz сайтига берган интервюсида. 

Президент Админстрацияси ҳузуридаги Ахборот ва оммавий коммуникация агентлигининг асосий вазифаси сифатида давлат органлари ва бошқа ташкилотлар раҳбарларига идоравий бўйсунувидаги матбуот хизматларининг сифатли фаолият юритиши, улар олдига қўйилган вазифаларнинг самарали бажарилиши, шунингдек, уларни малакали мутахассислар билан тўлдирилиши юзасидан шахсий жавобгарлик юкланган.

Шу ўринда ушбу АОКА ташкилот вазифасини тўлиқ бажариб келаётган Бунёд Абдуллаевнинг ишдан четлатилишига очиқ муносабат билдирмаган. Шунингдек, одатда журналистларни ҳимоячиси сифатида кўрилган Масс медиа фонди ва Журналистлар уюшмаси ҳам Абдуллаев масаласи юзасидан чиқиш қилмади.

Эслатиб ўтамиз, бу ҳолат Бунёд Абдуллаевнинг биринчи бор ишдан бўшатилиши эмас. Бундан олдин ҳам 2021 йилнинг 10 февралида Бунёд Абдуллаев бош вазир ўринбосари Очилбой Раматов раислигида ўтган қўмита коллегиясининг кенгайтирилган йиғилишида турли хил босимлар остида ("штабдан" берилган топшириқни бажармагани сабабли) ҳайдалган эди. 

Ишдан озод этилганидан сўнг орадан деярли бир йил ўтиб, 2022 йил январь ойида Бунёд Абдуллаев қўмита Матбуот хизмати раҳбарлиги лавозимига қайта тикланган.

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
14
Изоҳ қолдириш
Изоҳлар
13.08.2022 12:00
Шайтон ҳамиша крайний
12.08.2022 00:29
Бизда нимадир ўзгарди, шундай ўйлайсизми?
11.08.2022 20:11
Эй экокумита. Кучинг етса ана хоким, прокурорлар билан олиш. Кайердаги бир журналист ( яна уз кул остидаги ходими) билан олишиб юрибди. Аслида уша экопартия раисининг даражаси уша журналист даражасида хам эмаслиги аник...
11.08.2022 20:08
Хар доим оав вакили айбдор. Бунёддан бошқасига кучи етмайди. Навбатдаги дарахт кесилишига кимни айбор қилар экан. Нега замлари айнан шу холатга жавобгар ўринбосарлари ишдан бўшатилмади
11.08.2022 19:16
Хашарга чикиб хамма дарахтларни кесишга ёрдам бериш керак. Галвадан кутиламиз.
11.08.2022 17:49
Dabbalarga qolgan kunimiz