Jahon banki O`zbekistonda ta`lim tizimi sifatini past darajada, deya baholamoqda.
Bunga kim aybdor? 3 bosqichli tizim o`zini oqlamayaptimi? Islohotlar etarli bo`lmayaptimi? Yoki mutasaddi rahbarlarning salohiyati tizimni rivojlantirishga etmayaptimi?
Ta`limda etarlicha bo`y ko`rsatmayotgan islohotlar, keragidan ham ortiq bo`lib borayotgan muammolar haqida O`zbekiston ichidagi ta`lim fidoyilari va OAV etarlicha bong urdi. Bugunga kelib esa buni xalqaro tashkilotlar ham qayd etmoqda, ammo sezilarli o`zgarishlardan hamon darak yo`q.
“So`ngi yillarda O`zbekistonda boshlang`ich, oliy va o`rta ta`limda qator islohotlar amalga oshirilganiga qaramay ta`lim tizimida sezilarli darajada o`zgarishlar bo`lgani yo`q”. Buni dunyodagi eng nufuzli tashkilotlardan biri hisoblangan — Jahon banki o`z hisobotlarida qayd etgan.
Ya`ni, xalqaro tashkilot O`zbekistondagi ta`lim sifati va qamrovini past darajada, o`rta ta`lim sifati qoniqarsiz, deya baholamoqda. Tashkilotning xulosalari qator tadqiqotchilar fikri va so`rovnomalarga asoslangan.
Bu xulosasi O`zbekiston fuqarolari ishtirokidagi (Listening to the Citizens of Uzbekistan) so`rovnomasi asosida shakllantirilgan. Respondentlarning aksariyati o`rta ta`lim sifatidan qoniqmasliklarini bildirgan.
Qolaversa, yaqin vaqtgacha O`zbekiston o`rta ta`lim qamrovi darajasi bilan ham qo`shnilardan ortda qolgan. 2021 yilda mamlakatda oliy ta`lim qamrovi 16 foizni tashkil etgan. “So`nggi islohotlarga qaramay, O`zbekistondagi oliy ta`lim qamrovi Markaziy Osiyo va Evropa mamlakatlari bo`yicha eng past ko`rsatkichlarda qolmoqda”, deyiladi Jahon banki axborotida.
Bank axborotiga ko`ra, inson kapitalini rivojlantirishni ko`zlagan hukumat oliy ta`lim sifati va qamroviga jiddiy e`tibor berishi lozim. Chunki, bu bozor iqtisodiyotiga o`tish yo`lidagi muhim omillardan biri hisoblanadi.
Rost24.uz saytida "O`zbekistonda ta`lim yo`nalishidagi 3 ta vazirlikni qisqartirsa bo`ladimi?" maqolasi e`lon qilgan edi. Unda tizimda boshqaruvni optimallashtirish bo`yicha siyosatni amalga oshirishga mamlakat kundan kun ehtiyoj sezayotgani, dunyo tajribasidan foydalanib, uchta vazirlikni yagona tizimda birlashtirish orqali moliyaviy harajatlarni ham qisqartirish va sifatini oshirish mumkinligi haqida xalqaro darajadagi mutaxassislar fikri berilgan edi.
Ayni paytda esa Oliy va o`rta maxsus ta`lim vazirligi hamda Xalq ta`limi vazirligi o`rtasidagi bir-biriga aybni ag`darish zanjiri kechayotgani yozilgandi.
Shuningdek, muammolar girdobidan chiqa olmayotgan Maktabgacha ta`lim vazirligi va uni boshqarayotgan vazir Agrippina Shin faoliyati ham tanqid qilingandi ("Vazir Agrippina Shinning ortida kim turibdi?").
Jamoatchilik fikriga quloq solmayotgan hukumat tizimdagi muammolarni hal qila olarmikan?
УЗ
-middle.jpg)
