Hozirgi kunda sud tizimida 169 nafar ayol sudya faoliyat yuritib kelmoqda. Ularning faoliyati sud tizimi uchun qanchalik darajada samara beryapti?
Rost24.uz jamoasi ilk bor tashkil etilgan ayol sudyalar onlayn-forumida ishtirok etdi va ayol sudyalarning ish faoliyatida ularga bo`ladigan bosimlar, oilasiga qilinishi mumkin bo`lgan tahdidlar bilan qiziqdi
Mamlakatimizda faoliyat ko`rsatayotgan ayol sudyalar soni yildan yilga ko`payib borayotgani tizimda gender tengligiga alohida e`tibor berilayotganini ko`rsatadi. 2017 yilda sudyalik lavozimida ishlagan ayol sudyalar soni 115 nafarni tashkil etgan bo`lsa, hozirgi vaqtda kelib, ular 169 nafarni tashkil etmoqda.
Ayol sudyalar sudya bo`lsa ham bar bir ular ayol, oilada ona. Shu sababdan ularning hayotiga tahdidlar, oilasiga turli xil bosimlar bo`ladimi degan savol bilan sudyalarga murojaat qildik.
Sudyalar Oliy Kengashi sho``ba rahbari Nodira Boboxonova shunday javob berdi:
“O`zbekiston Respublikasi Sudlar to`g`risida”gi qonuni bilan sudyalarning daxlsizligi kafolatlangan. Shu jumladan, ayol sudyalarning ham. Albatta hayotda juda ko`p ishlar olib boramiz va bu ishlarimiz orqali turli xil tahdidlar bo`lib turadi. Og`ir va o`ta og`ir jinoyatlarni ko`ramiz, fuqarolik ishlarini ko`rishda esa juda katta to`qnashuvlar kelib chiqadi, iqtisodiy ishlarni ko`rganda juda katta investisiyalar kiritilgan ishlar bo`yicha nizolarni ko`rishga to`g`ri keladi. Albatta bunday bo`lgandan keyin o`ziga ham oilasiga ham qiyin bo`ladi. Biz bunday ishlarni ko`rayotganda, qonun bilan turli xil daxlsizlik ishlari qilinadi. Jumaladan, uylarini qo`riqlash bu qonunda ham belgilab qo`yilgan.”
Nodira Boboxonovaning aytishiga qaraganda, o`zida bo`lmasa ham lekin hamkasblarida ish ko`rayotgan vaqtida tahdidlar bo`lgan va bu qonun yo`li bilan tartibga solingan. Hech qachon sudya taraflarning gapi bilan qaror chiqarmasligi, doim o`z vazifasini astoydil adolat bilan qilishi kerak deb so`zini yakunladi.
Ayol sudya bo`lishning qiyinchiliklari ko`p. Ayol bari bir ayol. Balki kun kelib ayol sudyalarimiz sud faoliyatida korrupsiya degan narsani yo`qotar…
Eslatib o`tamiz, saytimizda ushbu mavzuga doir quyidagi maqolalar qo`yilgan:
Sud tizimidagi ahvol: Murdalarni so`roq qilgan sudyalar jazolanmasligi ma`lum bo`ldi
Prokuratura va Sudyalar kengashi ma`lumotlarini yashirgan sudya fosh bo`ldi
УЗ
-middle.jpg)
