Shaazim Minovarov: "Iroqda, Suriyada, qo`shni davlatda nimalar bo`lganini ko`rib, bilib turib, nahotki ana shunday tuzumni orzu qilsalar?!"
Prezidentining jamoat va diniy tashkilotlar bilan hamkorlik masalalari bo`yicha maslahatchisi Shaazim Minovarov shariat bilan boshqariladigan islom davlatini orzu qiladiganlar uchun rasmiy munosabat bilan chiqdi.
U bildirgan rasmiy munosabatda shunday deyiladi:
"Taassuf. Shu mamlakatning nonini eb, suvini ichib, "Shariat bilan boshqariladigan islom davlati" orzusida yurganlar to`g`risida eshitsam, xafa bo`lib ketaman. Iroqda, Suriyada, qo`shni davlatda nimalar bo`lganini ko`rib, bilib turib, nahotki ana shunday tuzumni orzu qilsalar?! Nima etishmayapti? Ibodat qilma, deyaptimi birov? Ro`za tutma, deyaptimi? Haj qilma, umra qilma deyaptimi? "Gap" degan narsa, marosim odamlar yozda dehqonchilik qilib, qishda bekorchi bo`lib qolgan zamonlarda paydo bo`lgan. Hozir kim bekorchi? Nega oila boshlig`i topib kelgan va bolalar tarbiyasi-ta`minotiga ishlatilishi kerak bo`lgan mablag`ni "gaplar"ga, dunyoning allaqaerlaridan olib kelinayotgan qora liboslarga ishlatib, eng katta ne`matimiz - tinchlikka raxna solishni o`ylaydilar ayrim yurtdoshlarimiz? Bunday narsalarga aslo befarq bo`lish kerak emas. O`ranishda avvalo qalb o`ranadi, nafs o`ranadi, momolarimiz, onalarimiz o`ragandek ro`mol o`raladi, ham yarashadigan, ham avratni yopadigan milliy liboslarga o`raniladi. Dinimizga, milliy va diniy odatlarimizga riyoni, bid`atni aralashtirmaylik! Yurtimizdagi tinchlikni asraylik!", deya fikrini yakunlagan Shaazim Minovarov.
УЗ
