O`zbekistonda bugun korrupsiyaga qarshi kurashuvchi 7 tadan ortiq tashkilot va davlat organlari mavjud, ammo xalqaro reytinglardagi vaziyat bizni xursand qiladigan darajada emas.
O`zbekiston Korrupsiyani qabul qilish indeksi reytingida dunyoning 180 davlat orasida 146-o`rinni egallab turibdi.
Salkam ikki yil avval tashkil topgan korrupsiyaga qarshi kurashish agentligi "6+1" bo`lib ham o`z vazifasini eplay olmayaptimi?
Korrupsiyaga qarshi kurashish bo`yicha faoliyatni bevosita amalga oshiruvchi bo`limlar davlatning bir qancha organlari tarkibida ham bor.
1. O`zbekiston Respublikasi Korrupsiyaga qarshi kurashish agentligi;
2. O`zbekiston Respublikasi Bosh prokuraturasi;
3. O`zbekiston Respublikasi Davlat xavfsizlik xizmati;
4. O`zbekiston Respublikasi Ichki ishlar vazirligi;
5. O`zbekiston Respublikasi Adliya vazirligi;
6. O`zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti.
7. Korrupsiyaga qarshi kurashish bo`yicha faoliyatni qonun hujjatlariga muvofiq boshqa davlat organlari ham amalga oshiradi.
Bu haqida "Korrupsiyaga qarshi kurashish to`g`risida"gi qonunning 7-moddasida aytib o`tilgan.
Bu davlat organlarida faoliyat yuritayotgan korrupsiyaga qarshi kurashish tashkilotlari agentlikka qo`shimcha yordam berishi kerak, aslida. Chunki har bir tashkilotning korrupsiya bo`yicha qilinayotgan ishlari, o`z organi tomonidan tartibga solinsa, agentlikka bu faqat va faqat yordam bo`ladi. Lekin bu amalda sezilyaptimi? Bitta "Korrupsiyaga qarshi kurashish agentligi" butun jamiyatdagi muammolarga ulgurmasligi mumkindir, ammo katta-katta davlat organlarida korrupsiyaga qarshi kurashish faoliyati yo`lga qo`yilgani O`zbekistonda korrupsiya ko`lamini kamaytirishga kerak emasmidi?
O`zbekiston Respublikasining Korrupsiyaga qarshi kurashish bo`yicha Milliy kengashi bu tashkilotlarning barchasini qilayotgan ishini muvofiqlashtiradi. O`zbekiston Respublikasi Korrupsiyaga qarshi kurashish agentligi Milliy kengashning ishchi organidir. Shunday ekan bu tashkilotlarning barchasi birlashsa, vaziyat boshqacha bo`lishi kerak emasmidi, aslida..?
Davlat byudjetidan mablag` olib 10 yaqin davlat tashkilotlari korrupsiyaga qarshi kurashsa-da, OAV orqali tenderlarda, davlat xaridlarini amalga oshirishda birin-ketin korrupsion holatlar ro`y berayotganining guvohi bo`lmoqdamiz.
*****
Saytimizda bundan oldin e`lon qilingan korrupsiyaga oid materiallar:
Bugun Toshkentda yana 12 ming aholi adolatsizlikning, korrupsiyaning, nepotizmning qurboni bo`ldi
O`zbekneftgaz»da to`xtamayotgan korrupsiya benzin narxining keskin o`sishiga sabab bo`lmoqda...(mi?)
Ochig`ini aytish kerak, hali ham bizda o`g`rilik ko`p. Korrupsiya ko`p» – Shavkat Mirziyoev
Ikki oy ichida eng ko`p korrupsiya holati aniqlangan hududlar reytingi e`lon qilindi
УЗ
-middle.jpg)