Bugun qanday kun — Sirojiddin Sayyid she`ri chop etilgan va Xalqaro paxta kuni!
Bugun "7 oktyabr — Xalqaro paxta kuni". Butun dunyoda paxtakorlar shu sana munosabati bilan bayram tadbirlarini o`tkazmoqda. Aynan paxta terimi mavsumida mamlakatimizda ham bu sana keng nishonlanmoqda. Shoirlar ash`or o`qimoqda, san`at ahli san`atini namoyish qilmoqda.
Shuningdek, bugun 7 oktyabr kuni "Yangi O`zbekiston" gazetasining bosh sahifasida O`zbekiston Yozuvchilari uyushmasi raisi Sirojiddin Sayyidning "Davlatli el shavkatlidir, shavkatli el — davlatli" satrlari bitilgan dilbar she`ri ham chop etilibdi.
Qalbim buyurmagan so`zni men aytmadim,
Avval aytgan bir gapimdan hech qaytmadim.
Shoirligim shiori shu, bor hayotim da`vati:
Davlatli el shavkatlidir, shavkatli el — davlatli.
Shunday sha`nu shavkat uchun ovoz beramiz,
Mangu toju davlat uchun ovoz beramiz!
Eslatib o`tamiz, saytimizda bundan oldin “Yangi O`zbekiston strategiyasi”, “Investisiya kiriting, investisiya” kabi she`rlari bilan tanilgan shoir Jamshid Akbarov bilan "Men maddoh emasman — "Yangi O`zbekiston strategiyasi" she`ri "ilohiy ilhom" bilan yozilgan" nomli suhbat e`lon qilingan edi. Shuningdek, "Yozuvchilar uyushmasi raisi Sirojiddin Sayyid yoshlarga diskotekaga kelishni tavsiya qildi” xabari ham berilgan.
УЗ
