Rossiya prezidenti Vladimir Putin mamlakat ta`lim vaziri Sergey Kravsovdan MDH mamlakatlarida rus tilini o`rganishni rivojlantirish bo`yicha taklif berishini so`radi.
“INTERFAX.RU” xabariga ko`ra, Putin hukumat a`zolari bilan yig`ilishda bu boradagi bugungi ishlar etarlicha emasligini ta`kidlagan. “Bu davlatlarda rus tilini o`rganishni rivojlantirish, rus tilini qo`llab-quvvatlash kerak. Shuning uchun qo`shimcha takliflar ishlab chiqarilishini so`rayman. Bugungi ishimizdan ko`ra, ko`proq narsani bajarishimiz mumkin va shunday qilish zarur», degan u.
Yaqinda o`zining Tojikiston prezidenti Imomali Rahmon bilan uchrashuvida ham shu haqda so`z borganini eslatib, “Bu borada Tojikiston bo`yicha ham taklif berishingizni so`rayman”, deb ta`kidlagan Rossiya prezidenti.
Eslatib o`tamiz, yaqinda O`zbekiston Oliy Majlis Qonunchilik palatasida o`zbek tilini rivojlantirish yuzasidan berilgan taklif bir guruh deputatlarimiz tomonidan rad etilgan edi. Saytimizda ushbu deputatlarga qarata professor Qozoqboy Yo`ldoshevning keskin munosabati ham berilgan.
УЗ
-middle.jpg)
