2026 yil 14 oktyabr kuni Toshkent shahrining Bektemir tumanida «Biznesni rivojlantirish banki» ATBning yangi bank xizmatlari markazi o`z faoliyatini boshladi.
Markaz Toshkent shahri, Bektemir tumani, Zilola MFY, Husayn Boyqaro ko`chasi, 28a-uyda joylashgan.
Yangi markazda jismoniy va yuridik shaxslarga zamonaviy bank xizmatlarining keng turlari taqdim etiladi. Jumladan, mijozlar omonat va kredit mahsulotlarini rasmiylashtirish, to`lovlar va pul o`tkazmalarini amalga oshirish, bank hisobvaraqlarini ochish hamda ularga xizmat ko`rsatish imkoniyatiga ega bo`ladi.
Shuningdek, tadbirkorlik sub`ektlari biznes loyihalarini moliyalashtirish, faoliyatini kengaytirish va yangi loyihalarni amalga oshirish uchun zarur moliyaviy xizmatlardan foydalanishlari mumkin.
Markaz faoliyati mijozlarning moliyaviy ehtiyojlarini bir joyning o`zida hal etish, bank xizmatlaridan foydalanish jarayonlarini soddalashtirish va xizmat ko`rsatish sifatini oshirishga qaratilgan.
Yangi xizmatlar markazining ochilishi, ayniqsa, Bektemir tumanida faoliyat yuritayotgan tadbirkorlar uchun muhim ahamiyatga ega. Ular markaz orqali biznes loyihalarini moliyalashtirish, ishlab chiqarish va xizmat ko`rsatish faoliyatini kengaytirish, shuningdek, yangi tashabbuslarini ro`yobga chiqarish uchun bank xizmatlaridan foydalanishlari mumkin.
Markaz aholining bank xizmatlaridan foydalanish imkoniyatlarini kengaytirish, moliyaviy xizmatlarni aholiga yaqinlashtirish va mijozlar uchun qulay sharoitlar yaratishga ham xizmat qiladi.
«Biznesni rivojlantirish banki» ATB hududlarda bank xizmatlari infratuzilmasini rivojlantirish, mijozlarga xizmat ko`rsatish sifatini oshirish va tadbirkorlik sub`ektlarini moliyaviy qo`llab-quvvatlashni ustuvor yo`nalishlardan biri sifatida belgilagan.
Bektemir tumanida yangi bank xizmatlari markazining ishga tushirilishi hududning iqtisodiy faolligini oshirish, tadbirkorlik tashabbuslarini qo`llab-quvvatlash va aholi uchun bank xizmatlaridan foydalanishda qo`shimcha qulayliklar yaratishga qaratilgan.
УЗ
