Bugungi kunda Toshkent shahridagi eng gavjum joy bu Sergeli va yaqinda tashkil etilgan Yangi hayot tumani hududi bo`lsa ajab emas. Tirband ko`chalar, piyoda va mashinalar oqimiga sig`mayotgan yo`llar, ko`pqavatli uylar atrofidagi manzara bu holni tasdiqlaydi.
Rost24.uz axborot sayti tomonidan “Kam ta`minlanganlar uchun qurilgan uylarda "ko`p ta`minlanganlar" foto materialida Sergeli tumanida asosan ehtiyojmandlar uchun qurilgan ko`p qavatli uylarning atrofi, bugungi kundagi tungi manzarasi e`lon qilingan edi. Quyida esa tongi manzara…
O`quvchilari tomonidan ushbu fotodalillar turli tuman baxs munozaralarga sabab bo`lmoqda. Ayrimlar mazkur ko`p qavatli uylarning aksariyatini uyga ehtiyoji bo`lmagan fuqarolar egalik qilayotganini ham iddao qilmoqda. Ko`pchilik xonadonlarning ijaraga berilayotgani, ayrimlari sotuvga qo`yilgani buning isboti ekanini aytishmoqda. Bu borada yaqin kunlarda Rost24.uz axborot sayti tomonidan o`rganilib, asl holat o`quvchilarga taqdim etiladi.
Aslida mazkur uy-joylar Prezidentimizning 2016 yil 22 noyabrdagi «2017-2020 yillarda shaharlarda arzon ko`p kvartirali uy-joylar qurish va rekonstruksiya qilish dasturini amalga oshirishga doir chora-tadbirlar to`g`risida»gi qaroriga asosan, ko`p kvartirali arzon uylarni qurish bo`yicha dasturga ko`ra, arzon uylar qurilgan edi. Ushbu uylardagi xonadonlar birinchi navbatda, yosh oilalar, eski va sharoiti og`ir uylarda yashayotgan fuqarolarga mo`ljallangan.
Eslatib o`tamiz, Sergeli tumanidagi mazkur dahalarda yashovchi aholi vakillari sotib olingan uylar narxi oshirilganiga norozilik bildirgani tasvirlangan xabar va videotasvirlar ijtimoiy tarmoqlarda tarqalgandi.
O`zbekiston Respublikasi Bosh vaziri Abdulla Aripov hamda tegishli vazirlik va idoralar vakillari norozilikka chiqqan aholi bilan uchrashib, ularning muammolarini tegishli darajada hal etgan edi.
УЗ
-middle.jpg)
