Oliy Majlis Qonunchilik palatasi deputatlari shaharsozlik normalarini buzganlik uchun jarimalar miqdorini oshirishni taklif qilishmoqda.
Kecha o`tkazilgan Oliy Majlis Qonunchilik palatasidagi “Milliy tiklanish” demokratik partiyasi fraksiyasi yig`ilishida Seysmik xavfsizlik bo`yicha ayrim qonun hujjatlariga o`zgartirish va qo`shimchalar kiritish to`g`risidagi qonun loyihasi ko`rib chiqilgan.
Qonun loyihasida shaharsozlikka oid qonunchilik talablarini buzganlik uchun jinoiy va ma`muriy javobgarliklarni kuchaytirish, ma`muriy jarimalar miqdorini yagona qilib belgilash, ya`ni amaldagi ma`lum bir summadan ma`lum summagacha degan normadan voz kechish taklif etilmoqda.
“Mazkur qonun loyihasidan ko`zlangan asosiy maqsad — shaharsozlik faoliyati sohasida ko`payib borayotgan noqonuniy qurilishlarning oldini olish, tasdiqlangan bosh rejalarga rioya etilishini hamda aholining sog`ligi, hayoti va xavfsizligini ta`minlash, qurilish sifatini oshirishdan iborat”, – deyilgan yig`ilish haqida berilgan rasmiy ma`lumotda.
Shu erda savol tug`iladi: qaysi tasdiqlangan bosh rejaga ko`ra?
Hattoki poytaxtning ham bosh rejasi tasdiqlanmaganku...
УЗ
