"Agrobank" o`tkazgan 1,3 milliard so`mlik tenderda o`zaro bog`liqliklari bor korxonalar ishtirok etgan.
7 mart kuni Agrobank "Pul o`tkazmalari" mavzusida reklama roliklari olish bo`yicha tender natijalarini e`lon qildi. Yakuniy natijaga ko`ra, tender narxi deyarli 1,3 milliard so`mni tashkil qildi.
Tenderda uchta firma qatnashgan:
1. EDMOND GT
2. TWINS CREATIVE AND ENTERTAINMENT
3. QUASAR DESIDN
Birinchi va ikkinchi firmani bir birini bog`lab turuvchi boshqa bir kompaniya bor.
Uchinchisi QUASAR DESIDN tenderdan diskvalifikasiya qilingan. Begonaligi uchunmi, yoki haqiqatdan ham buyurtmachini qoniqtirmaganligi uchunmi, buyog`i bizga qorong`u.
Birinchi va ikkinchi kompaniyalarni VOXE GROUP bog`lab turadi;
- VOXE GROUP xodimi Firidjanov Eduard Edmond GT ta`sischisi.
- VOXE GROUP bosh direktori Tursunov Ravshan TWINS CREATIVE AND ENTERTAINMENT ta`sischisi
- VOXE GROUP bosh direktori o`rinbosari Xasan Salixov TWINS CREATIVE AND ENTERTAINMENT rahbari va ta`sischisi.
- VOXE GROUP production departamenti rahbari Davlat Arabshoev TWINS CREATIVE AND ENTERTAINMENT ta`sischisi.
Lot shartlariga ko`ra, g`olib tashkilot 10 kun ichida “Pul o`tkazmalari” mavzusida bir birini to`ldiruvchi 3 ta reklama roligini tayyorlashi kerak. Ushbu reklamalar ko`chadagi LED ekranlarda, internet tarmog`ida va televidenieda e`lon qilinishi rejalashtirilgan. Har bir videorolik xronometraji 20 sekundgacha bo`lishi kerakligi talab qilingan.
УЗ
