O`zbekiston milliy teleradiokompaniyasi tizimida jami 26 tele va 16 radiokanal 24 soat faoliyat ko`rsatmoqda. Kompaniyaga davlat byudjetidan milliardlar ajratilishini odatda milliy manfaatlar targ`iboti va axborot maydonida davlat pozisiyasini saqlab turish bilan izohlashadi. Bu yil ham 561 milliarddan ko`proq mablag` byudjetdan unga yo`naltirildi. Kompaniyadagi boshqa kanallarga qaraganda «O`zbekiston24»ga bir necha barobar ko`proq mablag` ajratiladi. Chunki, u alohida «rasmiy» maqomga ega.
Telekanal jurnalistlari ta`rifi bilan aytganda «prezident kanali» bugun eng asosiy axborot manbai vazifasini o`tay olyaptimi? Asosan yangiliklar jurnalistikasidan iborat telekanal ko`rsatuvlarini xalq bugun orziqib kutyaptimi? Bugun qanchalik ko`rishga arzirli narsalar bor.
Rost24.uz ushbu mavzu yuzasidan kichik so`rovnoma o`tkazdi.
So`rovnoma davomida ko`plab yurtdoshlarimizdan fikrlar olindi. O`zbekiston24 telekanali OAV sifatida davlat va xalq o`rtasida qanchalik ko`prik bo`la olyapti? So`ralganlarning aksariyati ushbu telekanalni ko`rmasligini aytib o`tdi. Sabablar esa turlicha:
- Asosan bir xil narsalar takrorlanadi;
- Ushbu telekanaldagi yangiliklarni xususiy telekanalda kuzatish qiziqroq;
- «O`zbekiston24» telekanalini ko`rishga vaqtim bo`lmaydi;
-Faqat yaxshi joylarni ko`rsatadi, haqiqatdan uzoq;
- reallikdan yiroq, aldov, faqat hukumatni yoqlab chiqayotgan ko`rsatuvlar
- Senzura kuchli…
Yurtdoshlarimiz orasida ushbu telekanalni tomosha qiladiganlarning asosiy qismi yoshi katta qatlamdagi insonlar bo`ldi. Batafsil videoda ko`ring:
Avvalroq, kanalimizda Rossiya propagandasini O`zbekistonga ta`siri haqida tasavvur beruvchi so`rovnoma ham o`tkazgan edik.
УЗ
-middle.jpg)
