Тилшунос олимларнинг алифбога ўзгартиш киритиш ислоҳоти бўйича якуний йиғилиши бўлиб ўтди. Аммо унга ОАВ вакиллари киритилмаган ва хабар берилмаган.
Йиғилишда айрим ҳарфларни (sh, ch, g‘, o‘, ng) ўзгартириш масаласи кўриб чиқилган. Йиғилиш Давлат тилини ривожлантириш департаменти ташкилотчилигида ўтказилган.
Kun.uz га кўра, учрашув алифбо ислоҳоти бўйича олимларнинг якуний ҳал қилувчи йиғилиши мақомида ўтган. Энди йиғилишдаги умумий фикрлар кўриб чиқиш ва маъқуллаш учун қонунчилик палатасига жўнатилади.
Агар Қонунчилик палатаси ушбу фикрларни маъқулласа, “sh” ва “ch” ҳарфлари келгусида “ş” ва “ç” кўринишида, “õ” ва “ḡ” эса “õ” ва “ḡ” кўринишида қабул қилинади. Шунингдек, “ng” ҳарфи ҳам “ñ” кўринишида ёзилади ва ўқилади.
Айтилишича, йиғилишда тилшунос олим Низомиддин Маҳмудов янги алифбога «ц» ҳарфини ҳам киритиш таклифини берган, аммо олимнинг фикрига бошқалар қўшилмаган ва таклиф маъқулланмаган.
«ҳ» ва «х» ҳарфларини келгусида битта ҳарф шаклида алифбода қолдириш таклифи ҳам бўлгани ва кўп баҳсларга сабаб бўлгани айтилмоқда.
Аммо, шундай муҳим ва миллат учун ўта аҳамиятли бўлган йиғилиш нега ёпиқ ва яширин тарзда ўтказилгани номаълум.
*****
Ўхшаш мақолалар:
УЗ
-middle.jpg)