Piyodalar yo`lisiz piyodalar, o`quvchisiz qolayotgan maktab, toksiz transformator, odam yashirinsa bo`ladigan “yama”lar...
“Mahallangizda muammo bormi?” Loyihaning navbatdagi manzili Qibray tumani “Uzumzor” mahallasi bo`ldi. Biz ko`nikib ketayotgan aslida bajarilishi kerak bo`lgan muammolar Qibray tuman hokimi va mutasaddilaridan echim kutmoqda.
Rost24.uz sayti navbatdagi jurnalistik reydini “Uzumzor” mahallasida o`tkazdi. Mahalla aholisi tuman hokimini qanchalik taniydi? So`nggi vaqtlarda amalga oshirilayotgan ishlar aholi hayotida sezilyaptimi?
Odamlarga mikrafon tutarkanmiz ularning ko`pchiligi hokimni hech qachon ko`rmaganligini aytishadi. “Biz tanishimiz uchun hokim odamlar orasiga kelsin, ko`rsin”, deydi mahalla nuroniylaridan biri. Mikrafonimizga duch kelgan insonlar mahallasida deyarli hech qanday o`zgarish bo`lmayotganini aytarkan birgina wifi internet simining tortilishini omad, deb hisoblashadi.
“Uzumzor”dagi 35 umumiy o`rta ta`lim maktabi esa kameramiz markazida bo`ldi. Ushbu maktab etti yuz nafardan ortiq o`quvchiga mo`ljallangan lekin yuz nafardan ziyodroq o`quvchi ta`lim oladi. Chunki maktab avariya holatida. Isitish tizimi ham ta`mirtalab. Shu erlik o`quvchilar asosan Mirzo Ulug`bek tumanidagi maktablarga borib o`qishadi. Maktab direktori Alimova Ozoda maktabning investisiya dasturiga kiritilmayotganini o`quvchilarning kamligi bilan ifodaladi. O`quvchilar esa sharoit yo`qligidan boshqa maktablarga ketmoqda.
Toshkent shahridan uncha uzoq bo`lmagan ushbu mahallada ham gaz va elektr energiyasi asosiy muammo. Uch-to`rt kunlab elektr energiyasiz yashash odatiy hol.
Qulayotgan simyog`ochlar, elektr toki tortilmagan transformator, yamoqli yo`llar, aholi fikri va boshqa muammolarni videoda tomosha qiling.
Endilikda Rost24.uz sayti muxbirlari har bir mahallaga mikrafon ko`tarib boradi va odamlar tuman, shahar viloyat mutasaddilariga nisbatan qanday fikrda ekanliklari bilan qiziqadi. Biz bilan hamkorlik qiling va o`z mahallangizga taklif eting! Ko`cha kuyda bizni mikrofonni ko`rdingizmi mahallangiz muammo va yangiliklari haqida tortinmay so`zlang. Biz gaplaringizni mutasaddilarga etkazamiz.
УЗ
-middle.jpg)