Bugun – 17 mart kungi xabar va yangiliklar
Ukraina Evropa Ittifoqining energetika tizimiga a`zo bo`ldi.
Podolyak Zelenskiy va Putin o`rtasidagi to`g`ridan-to`g`ri muzokaralar uchun hujjatlar tayyorlanayotganini ma`lum qildi.
Ukrainalik jurnalistlarning aniqlashicha, Ramzan Qodirov yaqin haftalarda Ukrainada bo`lmagan. Biroz avval Qodirov Kievdan 25 km masofadagi hududda ekanini aytgan edi.
Financial Times Rossiya va Ukraina urushni tugatishi mumkin bo`lgan reja ishlab chiqqanini aytdi, unga ko`ra, kelishuv loyihasi o`n besh banddan iborat bo`lib, ular orasida Kievning NATOga qo`shilishdan bosh tortishi, qurolli kuchlarni cheklash, xorijiy harbiy baza va qurollarni joylashtirmaslik va`dalari ham bor.
Vladimir Zelenskiy AQSh Kongressida Rossiya bosqinidan keyin Ukraina xavfsizligini kafolatlash yo`llari haqidagi takliflar bilan chiqdi.
Rossiya Evropa Kengashidan chiqarib yuborildi.
Roskomnadzor bir kunda 30 ga yaqin saytni blokladi.
BMT Xalqaro sudi Rossiyaning Ukrainadagi harbiy amaliyotini to`xtatishi kerakligi haqida qaror chiqardi.
Gaagadagi Xalqaro sud Kievning Moskva Genosid konvensiyasini buzgani haqidagi shikoyati ko`rib chiqilgunga qadar, Rossiyaga vaqtinchalik chora sifatida Ukraina hududidagi harbiy amaliyotlarni to`xtatishni buyurdi.
Bayden Putinni harbiy jinoyatchi deb bilishini ma`lum qildi.
NATO'ning navbatdagi sammitida Ukrainada tinchlikparvar missiyasini joriy etish masalasi ko`rib chiqiladi.
Rossiya Favqulodda vaziyatlar vazirligi veb-saytida "Rossiya OAVlariga ishonmang — ular yolg`on gapirishadi", "Ukrainadagi urush haqida to`liq ma`lumot", "Rossiya defolti yaqin", "Favqulodda vaziyatlar vazirligi urush paytida Ukrainada 13 000 dan ortiq askar halok bo`lganligini ma`lum qiladi" degan matnlar paydo bo`ldi. Ma`lum bo`lishicha, xakerlar saytni buzib kirishgan.
AQSh razvedkasi Ukrainada 7000 nafardan ortiq rus askari halok bo`lganini ma`lum qildi.
O`zbekiston LXR va DXRni tan olishdan bosh tortdi va Ukrainaga yordam berishda davom etishini ma`lum qildi.
Rasmiy Moskva Kiev va Vashingtondan Ukrainadagi harbiy biologik laboratoriyalar faoliyatiga oid barcha ma`lumotlarni taqdim etishni talab qilmoqda.
Ukraina mudofaa vaziri Kremlni "zamonaviy dunyoning haqiqiy Gitleri" deb atadi.
Financial Times yozishicha, Moskva va Kiev muzokaralarda sezilarli yutuqlarga erishgan.
УЗ
