Qaysidir vazirlikda qancha miqdorda pul mablag`i talon-taroj qilingani haqida ommaviy axborot vositalarida ochiq axborot berib borilmoqda. Ularning miqdori hayratlanarli darajada yirik.
Korrupsiyaga qarshi kurashish agentligi raisi Akmal Burxonovning aytishicha, Prezident 2019 — 2020 yillarda byudjetdan 2 trilliard so`m mablag` o`marilganini qayd etgan. O`marilgan mablag`lar miqdori doim e`lon qilinadi. Biroq, shu pullarning qancha miqdori byudjetga xalq uchun qaytarilgani haqidagi ma`lumotlarni ko`pincha uchratmaymiz.
Rost24.uz muxbiri Korrupsiyaga qarshi kurashish agentligi raisi Akmal Burxonovdan byudjetning talon-taroj qilingan pullari qanchasi o`z joyiga qaytarilgani bo`yicha hisobot so`radi.
Akmal Burxonov: "Bugungacha byudjetdan o`marilgan 2 trillionard so`mning 90 foizga yaqini qaytarilgan. Pullar aybdor, deb topilgan shaxslar tomonidan qaytarilgan bo`lib, mablag` qaytarilgach ularning jazosi engillashtirilgan. Pullarni talon-taroj qilgan shaxslarning mol-mulklari musodara qilinmagan".
Korrupsiyaga qarshi kurash agentligi raisi 90 foiz mablag` qaytarilganini qayd etgan bo`lsada, pul mablag`lari o`zlashtirilgan, talon-taroj qilingan vazirlik, tashkilotlar shu vaqtgacha qaytarilgan mablag` haqida ma`lumot bermagan.
УЗ
