Turizm va sport vazirligi negizida Turizm va madaniy meros vazirligi hamda Sportni rivojlantirish vazirligi tuzilmoqda.
Bugun Oliy Majlis Qonunchilik palatasida bo`lib o`tgan majlisda esa Sportni rivojlantirish vaziri lavozimiga Adham Ikromov nomzodi ham ko`rib chiqilib, ma`qullandi.
O`zbekiston Respublikasi bosh vazirining o`rinbosari Aziz Abduhakimov esa turizm va madaniy meros vaziri lavozimiga ma`qullangan. Endilikda O`zbekistonda vazirliklar soni 25 taga etdi va bu ko`rsatkich Markaziy Osiyoda, shuningdek, MDH davlarlari orasida ham eng ko`pidir.
2016 — 2022 yillar davomida respublikamizda vazirliklar soni 11 taga ortgan.
2021 yilda esa “Davlat hokimiyati va boshqaruvi organlarining tuzilmasini maqbullashtirish va shtat birliklari sonini qisqartirish to`g`risida” gi Prezident qarori chiqqan.
Shu paytgacha O`zbekiston Respublikasida vazirliklar soni 24 ta bo`lib, 24 ta binoda ish faoliyatini olib borishardi.
Bundan tashqari, vazirlarimizning o`rinbosarlari ham bor. Ularning umumiy soni 109 nafar. Har bir vazirlik alohida bino hamda vazir va vazir o`rinbosarlari xizmat mashinalari bilan ta`minlangan. Eng ko`p 8 nafar o`rinbosarga ega vazir Investisiyalar va tashqi savdo vaziri hisoblanadi. Keyingi o`rinda esa 7 nafar o`rinbosarga ega ichki ishlar vaziridir.
VAZIRLIKLAR RO`YXATI
1. Investisiyalar va tashqi savdo vazirligi
2. Ichki ishlar vazirligi
3. Iqtisodiy taraqqiyot va kambag`allikni qisqartirish vazirligi
4. Sog`liqni saqlash vazirligi
5. Adliya vazirligi
6. Mudofaa vazirligi
7. Moliya vazirligi
8. Oliy va o`rta maxsus ta`lim vazirligi
9. Xalq ta`limi vazirligi
10. Favqulodda vaziyatlar vazirligi
11. Qishloq xo`jaligi vazirligi
12. Qurilish vazirligi
13. Tashqi ishlar vazirligi
14. Axborot texnologiyalari va kommunikasiyalarini rivojlantirish vazirligi
15. Suv xo`jaligi vazirligi
16. Madaniyat vazirligi
17. Innovasion rivojlanish vazirligi
18. Transport vazirligi
19. Mahalla va oilani qo`llab-quvvatlash vazirligi
20. Bandlik va mehnat munosabatlari vazirligi
21. Uy-joy kommunal xizmat ko`rsatish vazirligi
22. Energetika Vazirligi
23. Maktabgacha ta`lim vazirligi
24. Turizm va madaniy meros vazirligi
25. Sportni rivojlantirish vazirligi
Eslatib o`tamiz, bir muddat avval Rost24.uz saytida “O`zbekistonda 24 vazir va 109 nafar vazir o`rinbosari bor”, "O`zbekistonda vazirliklar qisqartiriladimi?" maqolalari e`lon qilingan edi. Unda vazirliklar ko`pligi va ayni paytda qisqartirish zaruriyati borasida fikrlar olib chiqilgan, jumladan adliya vazirligi mutasaddilari vazirliklar sonini qisqartirish borasida o`rganilayotgani va tegishli joylarga taklif kiritilayotganini ma`lum qilgan edi. Shuningdek, saytda e`lon qilingan “Davlat idoralari sonini qisqartirish kerakmi?” nomli so`rovnoma joylashtirilgan. Unda qatnashganlarning 77% qisqartirish tarafdori ekanini bildirishgan.
УЗ
