Ijtimoiy tarmoqlar orqali tijorat banklari tomonidan noqonuniy tarzda iste`molchi plastik kartasidan echib olinayotgan pul mablag`lari bilan bog`liq holatlar ko`plab muhokamalarga sabab bo`lmoqda.
Xususan, Iste`molchilar huquqlarini himoya qilish jamiyatlari federasiyasiga ham joriy yil boshidan buyon bank-moliya sohasiga oid 1000 ga yaqin murojaatlar kelib tushgan.
Bu kabi holatlar asosan telegram ijtimoiy tarmog`i orqali kelayotgan ko`plab yutuqli o`yinlar negizida sodir etilmoqda.
Shuningdek, bank xodimlari tomonidan iste`molchi bilmagan holatda kimningdir kredit mablag`lari olishida kafil vazifasini bajaruvchi sifatida uning mablag`larini ogohlantirishsiz echib olish bilan bog`liq firibgarliklar aniqlanmoqda.
Ana shunday murojaatlardan biri, Buxoro viloyati Kogon tumanida yashovchi fuqaro G`.A. tomonidan kelgan bo`lib, qayd etilishicha, Buxoro shahar J.Ikromiy ko`chasida joylashgan «Ipoteka bank» ATB Sardor filialiga tegishli bank kartasidan iste`molchining 2 500 000 (ikki million besh yuz ming) so`m miqdordagi pul mablag`i asossiz echib olingani, bank xodimlariga murojaat qilganda unga iste`molchi boshqa bir fuqaro kredit olishida kafil vazifasini bajargani uchun undan undirilgani aytilgan.
Biroq, iste`molchi bankdagi hujjatlarni ko`zdan kechirishni talab qilganda esa, hech qanday kredit shartnomalarida kafil bo`lmaganligi ma`lum bo`ldi, shunga qaramay bank xodimlari echib olingan pul mablag`ini qaytarmayotganidan norozi ekanini bildirgan.
Mazkur murojaat o`rganilishi natijasida, iste`molchidan sababsiz echib olingan 2 500 000 so`m pul mablag`i qaytarildi.
Bundan tashqari iste`molchi talabiga ko`ra, Buxoro tumanlararo sudiga moddiy va ma`naviy zararni undirish uchun da`vo arizasi ham kiritgan.
Albatta ba`zi iste`molchilar qaysidir tashkilot yoki huquqni muhofaza qiluvchi organlarga murojaat qilish orqali o`z huquqlaridan foydalanmoqda, afsuski, bu borada o`z huquqini bilmaydigan fuqarolarimiz ham yo`q emas.
УЗ
-middle.jpg)