8 oylik kurash tugadi. Odil sud xalqni g`olib deb topdi

01.12.2021 18:20

Rost24.uz sayti tomonidan 8 oydan beri ko`tarilib kelinayotgan muammo o`z echimini topdi.

Zangiota tuman hokimining maktab va bog`cha uchun mo`ljallangan Nazarbek hududi 204-kontur maydonining tadbirkorga ko`p qavatli uy qurishi uchun berilishi to`g`risidagi qarori haqiqiy emas deb topildi.

Nurafshon tumanlararo ma`muriy sudining qarori esa bekor qilindi.

Zangiota tumani, Nazarbek QFY, “Forobiy” mahallasida Prezidentning "Besh tashabbus" loyihasi asosida tadbirkorga kutubxona va maktab qurish uchun ajratib berilgan erga zamonaviy turar joylar qurilmoqda. Zangiota tuman hokimligining Prezident farmoni bilan ishlatgan nayrangi bu ishlarni go`yoki qonunan bajarilishiga yo`l ochib bergan.

Respublika prokuraturasi javobiga ko`ra noqonuniy qaror chiqargan Zangiota tumani hokimi 15 ming nafar aholini maktab va bog`chasiz qoldirgan. Nazarbek hududiga kiruvchi 4 ta mahalla – Forobiy, Nazarbek, Qirguzar va Ahilobod, qo`shni Nayman MFYda jami 12000 nafardan ziyod aholi yashaydi, shundan 2876 nafari maktab o`quvchilari, 2374 nafari esa 7 yoshgacha bo`lgan yosh bolalar, 1101 nafar bog`cha yoshidagi bolalarni tashkil etadi. Ular hozirgacha maktab va bog`chasiz yashab kelmoqda.

Hududdagi yagona bo`sh qolgan va sobiq ittifoq davridayoq maktab uchun ajratilgan er Zangiota tuman hokimligi tomonidan amaldagi qonunchilikka zid ravishda tadbirkor uchun zamonaviy turar joylar qurish uchun ajratib berilgan. Zangiota tuman hokimligi Prezidentning besh tashabbusga oid farmoni yuzasidan maktab, bog`cha, kutubxona qurish uchun tadbirkorga erni 0 qiymatda bergan. Bir hafta o`tib esa, tuman hokimi er uchun chiqargan qarorini “zamonaviy turar joylar” qurish uchun ko`rinishida o`zgartiradi.

Eng qizig`i, tuman hokimining qarori O`zbekiston Bosh prokuraturasi va Zangiota tuman prokuraturasi tomonidan amaldagi qonunchilikka zid ekani ko`rsatilib, protest kiritilgan bo`lsa-da, tadbirkorlar qurilish ishlarini shu paytgacha davom ettirib kelindi.

Mazkur masala ko`tarilgach, qurilish ob`ektiga 9 ta vazirlikdan vazir o`rinbosarlari ishtirokida komissiya tuzilib o`rganildi. Jumladan, Qurilish vaziri o`rinbosari N.Babaev, Vazirlar Mahkamasi apparatining bosh mutaxassisi S.Jumaniyozov, Toshkent viloyati hokim o`rinbosari Sh.Hakimov, Adliya vaziri o`rinbosari M.Ikramov, Xalq ta`limi vazirining birinchi o`rinbosari U.Sharifxodjaev, Maktabgacha ta`lim vaziri o`rinbosari N.Muslitdinov, Davlat aktivlarini boshqarish agentligi direktori o`rinbosari T.Nabiev, Davlat soliq qo`mitasi huzuridagi Kadastr agentligi raisi o`rinbosari A.Abdullaev, Toshkent viloyati prokurori o`rinbosari, adliya katta maslahatchisi Sh.Turdaliev kabi mutasaddilar ishni ko`rib chiqishga jalb etildi.

Shuningdek, qurilish jarayonini vaqtincha to`xtatib turishga og`zaki ko`rsatma berildi. Yig`ilish yakunida bayonnoma tuzilib, aholini maktab va bog`cha bilan ta`minlash, qayta sud ishini appelyasiya orqali ko`rish joizligi bo`yicha ko`rsatma berildi. Ammo, ayni damda, qurilish avjida, 15 ming aholining maktabsiz qolayotgani bo`yicha Zangiota tuman hokimligi biron ish qilgani yo`q. “Saylovgacha odamlarni tinchlantirib turish” vazifasini 9 ta vazir o`rinbosarlari uddaladi. Ammo aholining maktabsiz qolayotgani ular uchun nisbatan muhim bo`lmagan ish bo`lib qolmoqda.

Maktab, bog`cha, kutubxona qurishni va`da berib erning asosiy qismiga zamonaviy turar joy qurayotgan tadbirkor ustidan norozi bo`lgan fuqarolar 8 oy davomida sudma sud, idorama idora sarson bo`lishdi.

30 noyabr kuni Toshkent viloyat sudida mazkur masala qayta ko`rib chiqildi hamda hokim qarori haqiqiy emas deb topildi.

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади
6
Изоҳ қолдириш
Изоҳлар
19.12.2021 16:57
Уй-жой коммунал хизмат кўрсатиш вазирлиги ахборот хизматининг Kun.uz сўровига жавобан маълум қилишича, Соҳиб Саифназаров: “Бу масала бўйича фикр билдиришга маънавий ҳаққим йўқ, чунки бу тадбиркорлик уларники, меники эмас”, дея изоҳ берган. Маълумот учун, Назарбек ҳудуди, “Форобий” МФЙ қишлоқ хўжалиги майдони 204-контурининг нол қийматда, аукционсиз тадбиркорга бериб юборилиши билан боғлиқ масала судда кўриб чиқилган. Тошкент вилояти маъмурий суди апелляция инстанциясининг 2021 йил 30 ноябрдаги қарори билан коттежлар қурилишидан норози бўлаётган фуқароларнинг даъво аризаси қаноатлантирилиб, Зангиота туман ҳокимининг “Skytech-Line”га ер ажратиш тўғрисидаги 2020 йил 2 апрелдаги 217-сонли ва 2021 йил 10 мартдаги 314-сонли қарорлари ҳақиқий эмас, деб топилган. Бугунги кунда, “Skytech-Line” МЧЖ апелляция инстанцияси қарори устидан Олий суд маъмурий ишлар бўйича судлов ҳайъатига
19.12.2021 16:56
Зангиота туманидаги Форобий маҳалласи ташкил этилаётганда маҳалла марказида мактаб ва боғча учун деб мўлжаллаб ер майдони қолдириб кетилган. Бироқ бу ер нол қийматда, аукционсиз тадбиркорга бериб юборилди. Тадбиркорнинг акаси – коммунал хизматлар вазирининг биринчи ўринбосари. Фото: Kun.uz Зангиота тумани “Форобий” МФЙда мактаб ва боғча учун мўлжалланган ер майдонида коттежлар қураётган “Skytech-Line” МЧЖ муассиси ва директори коммунал хизматлар вазирининг биринчи ўринбосари билан яқин қариндош экани маълум бўлди. Kun.uz ушбу қурилишга аҳолининг қаршилиги ҳақида 14 декабр куни “Беш ташаббус баҳонами? Мактаб учун мўлжалланган ер тадбиркорга бериб юборилди” сарлавҳали таҳлилий мақола эълон қилган эди. Унда Зангиота туман ҳокимлиги ҳужжатлардаги сўз ўйинлари орқали аслида мактаб ва боғча қуришга мўлжалланган ерни турар жойлар қуриш учун тадбиркорга нол қийматда бериб юборгани ҳақида ёзилганди. Ваҳоланки, ҳудудда янги мактаб ва боғчага эҳтиёж бор, буни Халқ таълими ва Мактабгача таълим вазирликлари ҳам тасдиқлаган. Туман ҳокимлиги эса на аҳоли эътирози, на прокурор протести, на вазирлик ва на кадастр органи эътирозларини инобатга олмаяпти. Аҳоли шикояти юзасидан ўрганишларимиз давомида низоли ҳудудда уй-жой қураётган “Skytech-Line” МЧЖ вазир ўринбосарининг яқин қариндоши экани маълум бўлди. Корхона-ташкилотлар реестрига кўра, корхона 2020 йил 21 январда рўйхатдан ўтказилган. Орадан 3 ой ҳам ўтмай – 2020 йил 2 апрелда Зангиота ҳокими бу фирмага айни пайтда низоли ерни ажратиб берган. Жамиятнинг 100 фоиз улуш билан ягона таъсисчиси – фуқаро Суҳроб Исмоилович Саифназаров. Фирма директори – Искандер Исмоилович Саифназаров. Суҳроб (фотосуратини топиш имкони бўлмади) ва Искандер Саифназаровлар ўзаро ака-ука бўлиб, Олий Мажлис Қонунчилик палатасининг собиқ депутати, профессор Исмоил Саифназаровнинг фарзандларидир. Биз ушбу фирма раҳбарлари билан бевосита учрашишга бир неча маротаба уринганимизга қарамай, сўровларимиз жавобсиз қолди. Аниқроғи, ҳар сафар “кейинги ҳафта аниғини айтамиз” деган жавоб берилди. Ака-ука Саифназаровларнинг яна бири – Саифназаров Соҳиб Исмоилович. У 2017-2019 йилларда ташқи савдо вазири ўринбосари, 2019 йилда иқтисодиёт ва саноат вазири ўринбосари лавозимида ишлаган. 2019 йилдан бугунги кунга қадар уй-жой коммунал хизмат кўрсатиш vaziri
19.12.2021 16:55
Бугунги кунда, “Skytech-Line” МЧЖ апелляция инстанцияси қарори устидан Олий суд маъмурий ишлар бўйича судлов ҳайъатига кассация тартибида шикоят киритган.
19.12.2021 16:53
Bugun 18 dekabrda oqidim kun.uzda firma appelyatsiya beribdi oliy sudga. Bu degani hali galaba degani emas. Keyin firma vazir orinbisarini qarindoshiga tegishli ekan. Shuning uchun hursand bolmalaring. Oliy sudda ham vazir orinbosarini tanishlari bor.
02.12.2021 09:27
Hali muammo tugamadi. Hali appelyatsiya berish mumkin. Ohirgi qarorni oliy sud hal qilsagina bayram qilish mumkin.
02.12.2021 08:22
Хулкар киз зурсан гап йук. Отангга рахмат. Хакикий журналист шунака булади
02.12.2021 06:51
Oliy sud qarori ayrimlar uchun majburiy emas. Xalqimiz topib aytgan: "Oxiridan quvontirsin"
02.12.2021 02:43
Хокимча чорра курилдими?