Uning 81,4 million so`mlik kreditni noqonuniy o`zlashtirgani aniqlangan.
Bosh prokuraturaning Rost24.uz ga ma`lum qilishicha,
Namangan shahar IIO FMB 2-son IIB HPG TP profilaktika inspektori S.O. uch nafar fuqaroning ishonchiga kirib, tijorat banki bilan fuqarolar o`rtasida tuzilgan o`zaro shartnoma orqali 81,4 million kredit ajratilishiga erishgan.
So`ng, rasmiy hujjatlardagi imzolarni qalbakilashtirish yo`li bilan ajratilgan kredit mablag`lariga tikuv dastgohlarini olib, ularni naqd pulga sotib yuborgan va pullarni o`z ehtiyoji uchun ishlatib yuborgan.
Mazkur holat yuzasidan Jinoyat kodeksining 168 va 209-moddalari bilan jinoyat ishi qo`zg`atilib, tergov harakatlari olib borilgan.
Gumonlanuvchi bir necha marotaba tergov organiga chaqirilgan bo`lsada, turli bahonalar bilan tergovga kelishdan bosh tortib, yashiringanligi sababli, unga nisbatan sirtdan ayblov e`lon qilinib, 13 noyabr kuni sudining ajrimiga asosan “qamoqqa olish” tarzidagi ehtiyot chorasi qo`llanilgan va unga nisbatan qidiruv e`lon qilingan.
Olib borilgan tezkor qidiruv tadbirlari natijasida 14 noyabr kuni ayblanuvchi S.O. ushlanib, himoya huquqlari ta`minlangan holda tergovga jalb qilingan.
Tergov harakatlari olib borilmoqda.
УЗ
