Navoiy viloyatining yangi hokimi: Tursunov Normat aslida kim?

Navoiy viloyatiga 27 yillik soliq mutaxassisi Tursunov Normat To`lqinovich hokim etib tayinlandi.

Tursunovdan avval Navoiy viloyatida Qobil Tursunov hokimlik qilgan.

Tursunov Normat To`lqunovich Navoiy viloyatiga hokim bo`lishdan avval Toshkent shahar Davlat soliq boshqarmasi boshlig`i edi.

O`z joyida kerak bo`lmagan soliqchi Normat Tursunov Jizzax viloyati soliq boshlig`i o`rinbosari va Navoiy viloyatlari soliq boshqarmasi boshlig`i sifatida ham faoliyat yuritgan. U 1994 yilda o`z karerasini aynan shu soliq soxasida boshlagan.

Bugunga kelib salkam 30 yillik katta tajribaga ega bo`lgan soliq mutaxassisi o`z ish joyini tashlab, Navoiy viloyatiga hokim bo`ldi.

Normat Tursunov shuncha yillik tajribasi bilan ko`proq o`z ish joyida zarur emasmi? Yoki o`z ish joyida zarur bo`lmagan katta tajribali mutaxassis nega yirik sanoatlashgan viloyatga hokim etib tayinlanmoqda?

Navoiy viloyatida hokim almashdi, ammo shu vaqtgacha viloyatda aniqlangan korrupsiyaga endi kim javob beradi?

Yana ochiq qolayotgan savollar ko`p. Ular boshqaruv tizimidagi tayinlovlarga nisbatan ishonchsizlikni oshiradi.

“Bu bizdan avvalgi hokim boshchiligida bo`lgan”, qabilidagi bahonalar bilan Navoiy viloyati hokimligi o`z ishini davom ettiraveradimi?

O`tgan hafta boshida Korrupsiyaga qarshi kurash agentligi Navoiy viloyatidagi korrupsion jinoyatlar haqida jamoatchilikka ma`lumot tarqatgan edi.

Ma`lumotlarga ko`ra, Navoiy viloyatida buyurtmachilar tomonidan 5 ta holatda umumiy qiymati 1,8 mlrd. so`mlik qurilish-ta`mirlash ishlari tanlov (tender) savdolari o`tkazilmasdan, pudrat shartnomalari tuzilmasdan bajarilgan.

Navoiy viloyati hokimligi “Yagona buyurtmachi xizmati” IK tomonidan RShTYoIM Navoiy filialida “Kislorod stansiyasini” qurish bo`yicha “tender.mc.uz” saytiga 2021 yil 17 iyulda boshlang`ich baxosi 364 560 153 so`m bo`lgan e`lon joylashtirilgan.

Tender komissiyasining 2021 yil 29 iyuldagi 3692-sonli yakuniy baholash bayonnomasiga asosan “TAYANCH QURILISH SERVIS” MChJ tanlov g`olibi deb topilgan hamda buyurtmachi va jamiyat o`rtasida 328 136 000 so`mlik pudrat shartnomasi imzolangan.

Ammo, agentlik tomonidan qurilish ob`ekti joyiga chiqib o`rganilganida, “Kislorod stansiyasini” qurish ishlari tanlov savdolari o`tkazilmasdan, pudrat shartnomasi tuzilmasdan 2021 yil mart oyida boshlanib, 2021 yil iyun oyida dalolatnoma asosida to`liq foydalanishga topshirilganligi va hozirgi kunda stansiya ishchi holatda ekanligi aniqlangan. Qiziq, ushbu kamchiliklarni viloyat hokimi payqamaganmi? Endiikda nima uchun avvalgi hokim javobgarlikda tortilmasdan lavozimlar almashdi?

“Mahalliy davlat hokimiyati to`g`risida”gi Qonunga ko`ra viloyat hokimi yuqorida keltirilgan tender qoidalarrining buzilishiga ham javobgar bo`lishi kerak-ku?

Agentlik tomonidan korrupsiyalar aniqlanaveradi, hokimlar esa o`taveradi...