Xalqaro terroristik tashkilotga aloqadorligi uchun qidiruvda bo`lgan, 1995 y.t. “S.S.” Davlat xavfsizlik xizmati xodimlari tomonidan xorijdan O`zbekistonga olib kelindi.
O`zAning ma`lum qilishicha, mazkur shaxs internet tarmog`i orqali Suriya davlati hududidagi “Tavhid va jihod katibasi” xalqaro terroristik tashkiloti a`zolarining ta`siriga tushib qoladi.
U o`zining tanishlari bilan “Telegram” messenjerida virtual guruh tashkil etib, ekstremistik oqimlar va xalqaro terroristik tashkilotlar g`oyaviy rahnamolarining “jihod”ga chorlovchi materiallarini unga joylab, o`zaro muhokama qilishgan. Shuningdek, Suriyadagi “Tavhid va jihod katibasi” terroristik tashkilotiga qo`shilish uchun O`zbekistondan chiqib ketmoqchi bo`lishgan.
Huquq-tartibot idoralari tomonidan ko`rilgan chora-tadbirlar natijasida ularning noqonuniy harakatlari fosh etilgan hamda 2018 yilning iyun oyida “S.S.” va uning jinoiy aloqalariga nisbatan qo`zg`atilgan jinoyat ishi yuzasidan sayyor sud majlisi o`tkazilib, “S.S.”ga nisbatan insonparvarlik prinsipini qo`llagan holda 4 yil ozodlikni cheklash jazosi tayinlangan.
Biroq, “S.S” o`z xatolaridan to`g`ri xulosa chiqarmasdan, Suriyadagi jangarilar safiga qo`shilish maqsadida aylanma yo`llar orqali davlat chegarasini kesib o`tib, Markaziy Osiyo davlatlarining biriga borgan vaqtida hibsga olingan.
Hozirda unga nisbatan qo`zg`atilgan jinoyat ishi doirasida tergov harakatlari olib borilmoqda.
Eslatib o`tamiz, saytimizda "IShID"ning xavfli terrorchisi ushlanib, O`zbekistonga olib kelindi” xabarida 2015 — 2021 yillar davomida Suriya va Iroq davlatlaridagi terroristik tashkilotlar safida jangovar harakatlarda qatnashgan shaxs DXX tomonidan yurtimizga olib kelingani haqida xabar e`lon qilingan edi.
УЗ
-middle.jpg)