Tolibonning Afg`onistondagi yuqori martabali etakchilaridan biri Mavlaviy Abdul Salam Hanafiy Afg`oniston shimolidagi Juzjon viloyatidagi Darzab tumani Gardan qishlog`ida tug`ilgan etnik o`zbek.
Hanafiy Pokistonning Karachi shahridagi diniy maktablarda tahsil olgan. 90 -yillarda Tolibon harakatiga qo`shilgan. Tolibonning Farah viloyatidagi ta`lim bo`limi boshlig`i va ta`lim vaziri vazifasini bajaruvchi, Tolibon hukumati qulashi paytida esa bu harakatning Juzjon viloyatidagi harbiy amaldori, rahbariyat kengashi va Tolibon muzokaralar organining a`zosi bo`lgan. Afg`onistonning sobiq hukumati davrida oilasi bilan Qatarda istiqomat qilishga majbur bo`lgan edi.
Hanafiy hozirda bosh vazir o`rinbosari vazifasini bajaruvchi etib tayinlangan.
Al-Jazira Net manbasiga ko`ra, «Abdul Salam Hanafiy bir muddat Qobul universitetida o`qigan va o`qishni tugatmagan» . Shuningdek, Siyosiy byuroda ishlagan vaqtida Xitoy bilan munosabatlar uchun mas`ul bo`lgan.
Eslatib o`tamiz, avvalroq saytimiz orqali “Afg`oniston va Tolibon: eski hukumatning qulashi va yangisi barpo etilishi qanday o`zgarishlarga olib keladi?” nomli maqola e`lon qilingan edi.
УЗ
-middle.jpg)
