Toshkent shahrida yo`l harakati xavfsizligi boshqarmasi, yo`l patrul xizmatining Rost24.uz axborot saytiga bergan ma`lumotga ko`ra, o`tkazilgan «Tun» reydida haydovchilar tomonidan sodir etilgan 931 ta qoidabuzarlik aniqlangan.
Unga ko`ra, 114 ta holatda avtomobilni tegishli hujjatlarsiz boshqarish, 44 ta holatda qizil chiroqqa bo`ysunmaslik, 21 ta holatda mast holda ulovga o`tirish kabi qoidabuzarliklarga ma`muriy bayonnomalar tuzilgan. Shuningdek, 168 ta avtomobil jarima maydoniga joylashtirilgan.
Bundan tashqari 22 ta holatda avtomobilda o`tkir tig`li pichoq, bita va boshqa taqiqlangan jismlarni olib yurish holati kuzatilgan. Soha xodimlari tomonidan bir kechada o`tkazilgan reydda aniqlangan umumiy qoidabuzarliklar soni 931 ta bo`lib, ularning 266 tasi qo`pol qoidabuzarliklar hisoblanadi.
Mazkur tungi reyd Ichki ishlar bosh boshqarmasi, yo`l harakati xavfsizligi boshqarmasi yo`l patrul xizmati brigadasidan “Tun” avtoekipajlari hamda YPX maskanlari, blok va to`siq postlarga xizmatga jalb etilgan xodimlar tomonidan 22 avgust kuni o`tkazilgan.
УЗ
