O`zbekiston Respublikasi Monopoliyaga qarshi kurashish qo`mitasi huzuridagi Iste`molchilar huquqlarini himoya qilish agentligi joriy yilning mart oyida Beeline Uzbekistan kompaniyasiga nisbatan “Iste`molchilarning huquqlarini himoya qilish to`g`risida” O`zbekiston Respublikasining qonuni va “Mobil aloqa xizmatlarini ko`rsatish qoidalari” talablari buzilishi belgilari bo`yicha ish qo`zg`atgan edi.
Ma`lumki, 2019 yilning iyul oyida “UNITEL” MChJ tomonidan abonentlarni “Xabardor bo`l” xizmatiga bepul promo-davrga (10 va 30 kunga) ulanishi bo`yicha promo-aksiya o`tkazilishi to`g`risida e`lon berilgan edi. Ushbu promo-aksiya mazkur xizmatga ulanmagan abonentlar uchun mo`ljallangan. Biroq, bepul davr tugashi bilan, UShBU XIZMAT avtomatik ravishda O`ChIRILMAGAN (promo-aksiya shartlariga ko`ra).
Aksincha, o`rnatilgan narx bo`yicha kunlik 240 so`m miqdorida abonetlarga hisoblangan.
3,2 MLN ABONENTDA “XABARDOR BO`L”
Ushbu promo-aksiyaga umumiy hisobda 3,2 milliondan ortiq abonent ulangan bo`lib, ulardan 1,2 millionga yaqini tomonidan mazkur xizmat mustaqil ravishda o`chirilgan.
2020 yil may holatiga ushbu xizmat deyarli 1,3 mln. abonentda yoqilgan holatda bo`lishda davom etgan.
Agentlikning Maxsus komissiyasi tomonidan 2020 yil 3 iyul sanasida “UNITEL” MChJga nisbatan O`zbekiston Respublikasi “Iste`molchilarning huquqlarini himoya qilish to`g`risida”gi Qonunining 21-moddasi hamda Mobil aloqa xizmatlarini ko`rsatish qoidalarining 25 va 26 bandlari buzilishi yuzasidan qaror qabul qilindi va ko`rsatma berildi.
Ko`rsatma, promo-aksiyani o`tkazish davomida “Xabardor bo`l” xizmatiga bepul ulangan va aksiya tugaganidan so`ng avtomatik ravishda xizmat o`chirilmagan abonentlarga mazkur xizmatni o`chirish va ko`rilgan zararni qoplash bo`yicha talablardan iborat bo`lib, har bir abonent hisobidan “Xabardor bo`l” xizmati doirasida ortiqcha echilgan mablag` uning hisobiga qaytarilishi bilan qoplanishi ko`zda tutilgan.
ISTE`MOLChILAR HUQUQLARINI HIMOYa QILISh AGENTLIGI IKKITA SUD JARAYoNIDA YuTIB ChIQDI
“UNITEL” MChJ o`zining qonuniy huquqlaridan foydalangan holda, shu yilning avgust oyida Toshkent shahar Shayxontohur tuman ma`muriy sudiga Agentlik ko`rsatmasini haqiqiy emas deb topish to`g`risida murojaat qilgan edi. Natijada, sud “UNITEL” MChJning talabini rad etish va Agentlik ko`rsatmasini o`z kuchida qoldirish bo`yicha qaror qabul qildi.
Biroq, joriy yilning oktyabr oyida Kompaniya Toshkent shahar ma`muriy sudiga appelyasiya da`vosi bilan qayta murojaat qildi. Ma`muriy sud ham Agentlikning Ko`rsatmasini haqiqiy deb topib, Kompaniya appelyasiyasini rad etdi.
“XABARDOR BO`L” XIZMATI O`ChIRILDI
Shu yilning 13 noyabr kuni “UNITEL” MChJ o`zining www.beeline.uz rasmiy saytida 26 noyabrdan boshlab, 2019 yil promo-aksiya davomida aksiyaga ulangan abonentlarda “Xabardor bo`l” xizmati o`chirilishi to`g`risida e`lon qildi.
Agentlik tomonidan qo`zg`atilgan ish bo`yicha 9 oy davom etgan munozara iste`molchilar foydasiga hal etildi. Bugungi kunga kelib, Beeline Uzbekistan abonentlariga etkazilgan zarar
20 milliarddan ortiq miqdorda baholanmoqda. Quvonarlisi, kompaniya tomonidan ushbu mablag`lar abonentlar hisobiga qaytarilishi boshlandi.
УЗ
