Moliya vazirligi viloyat hokimlari va vazirlarning qancha maosh olishi haqidagi ma`lumotni ochiqladi

Rost24.uz axborot sayti so`roviga asosan moliya vazirligi matbuot xizmati davlat amaldorlarining maoshlari haqidagi ma`lumotni taqdim etdi.

Amaldagi qonunchilikka muvofiq, byudjetdan moliyalashtiriladigan tashkilot va muassasalar xodimlarining lavozim maoshlarini belgilashda mehnatga haq to`lash bo`yicha Yagona tarif setkasi bilan tasdiqlangan tarif koeffisientlari majburiy tartibda qo`llanadi.

Xususan, rahbarlik lavozimlari uchun yagona tarif setkasi bo`yicha quyidagi razryadlar o`rnatiladi:

Shu bilan birga:

- alohida mehnat sharoitlari uchun - lavozim maoshining 20 foizi miqdorida (O`zbekiston Respublikasi Oliy Majlisi deputatlari va senatorlari, viloyat (tuman, shahar) hokimlari uchun;

- mehnatni rag`batlantirish koeffisienti – lavozim maoshining 40 foizi miqdorida;

- uzoq yillik xizmati uchun – lavozim maoshining 20-30% miqdorida;

- moddiy rag`batlantirish - lavozim maoshning 15-25% miqdorida ustamalar belgilanadi.

Bundan tashqari, mukofotlash (lavozim maoshining 2 baravarigacha miqdorda) va moddiy yordam ko`rsatish (lavozim maoshining 1 baravarigacha miqdorda) ko`zda tutilgan. Bunda mukofotlar to`lash yoki intizomiy jazo choralarini qo`llash qonun hujjatlarida belgilangan tartibda amalga oshiriladi.

Shuningdek, ayrim normativ-huquqiy hujjatlarga asosan qo`shimcha ustama haqlar nazarda tutilgan:

- xorijiy tillar bo`yicha milliy va tegishli xalqaro sertifikatga ega bo`lgan xodimlarga - lavozim maoshining 20 foizi miqdorigacha;

- nufuzli xalqaro reyting tashkilotlarining top - 500 ro`yxatiga kiritilgan xorijiy oliy ta`lim muassasalarida o`qishni (bakalavriat, magistratura) tamomlagan yoki ilmiy darajasini (PhD va unga tenglashtirilgan boshqa ilmiy daraja) olgan yosh mutaxassislarga – bazaviy hisoblash miqdoriga nisbatan 15-75 foiz miqdorida.

Alohida normativ-huquqiy hujjatlarga muvofiq, ayrim byudjet tashkilotlari xodimlarining lavozim maoshlarini belgilashda yagona tarif setkasi bo`yicha mehnatga haq to`lash razryadlarining oshirilgan miqdorlari qo`llaniladi.

Shu bilan birga, qonun hujjatlarida belgilangan miqdorlarda qo`shimcha ustamalar to`lanadi.

Shuni ta`kidlash lozimki, yuqorida keltirilgan rahbar lavozimlarning mehnatiga haq to`lash bo`yicha barcha xarajatlar O`zbekiston Respublikasi davlat byudjeti mablag`lari hisobidan amalga oshiriladi.