Bugungi kunda oliy o`quv yurtini tamomlagan nogironligi bor shaxslar ish topishda qanday to`siqlarga duch kelishadi?
Rost24.uz muxbiri nogironligi bor shaxslarni ishga joylashda amaliy ko`mak beruvchi yangi loyiha bilan tanishdi.
O`zbekiston Respublikasi bandlik va mehnat munosabatlari vazirligining rasmiy ma`lumotlariga ko`ra 162,2 ming nafar davlat ro`yxatiga olingan nogironligi bor shaxslar mehnat faoliyatining muayyan turlarini bajarish uchun layoqatga ega. Ammo, Davlat soliq qo`mitasining jismoniy shaxslar daromad soliqlari bo`yicha olingan ma`lumotlarga ko`ra nogironligi bo`lgan 162,2 ming fuqaroning STIR (INN) bilan solishtirilganda, ulardan atigi 21,1 ming nafarining (13%) ish bilan band ekanligi aytilgan.
Nogironligi bo`lgan bolalar va yoshlar respublika markazi rahbari Ra`no Shodievaning aytishicha, O`zbekistonda nogironligi bo`lgan fuqarolarning atigi 2 foizi ish bilan ta`minlanganligi ko`rsatilgan. Eng yomoni nogironligi bor ayollarning ahvoli erkaklarnikiga qaraganda ancha yomonroq: ayollarning atigi 4,4 foizi va erkaklarning 8,9 foizi ish bilan ta`minlangan.
Ko`rinib turibdiki, yurtimizdagi tashkilotlar nogironligi bor shaxslarni to`liqligicha ish bilan ta`minlay olmayapti. Oliy ta`lim dargohini bitirib chiqqan nogironligi bor bitiruvchilar ham o`z ishini topish jarayonida qiyinchiliklarga duch kelishmoqda. Tashkilotlar 3 tagacha nogironligi bor shaxslarni ishga qabul qilishga majburligi qonun bilan belgilab qo`yilgan. Ammo natija o`zingizga ayon...
Bunday muammolarni echish uchun kichkinagina jamoat birlashmasi ulkan shahd bilan yangi loyihaga qo`l urdi. "Ish Plyus" deya nom olgan portal orqali minglab nogironligi bor shaxslar ish bilan to`liq ta`minlanishi ko`zda tutilyapti.
Mazkur loyiha BMTning O`zbekistondagi ijtimoiy himoya tizimini yaxshilash qo`shma dasturining kichik miqyosli grant ko`magi asosida amalga oshmoqda. Bu erda faoliyat yuritayotganlarning o`zlari ham nogironligi bor shaxslardir.
Joriy yil 24 iyun sanasida nogironligi bo`lgan shaxslarni ochiq mehnat bozorida munosib ish bilan ta`minlash uchun maxsus rekruting veb-portali www.ishplus.uz rasman faoliyatini boshlaydi.
P/S: Bu portal natija berib, ish bilan ta`minlash darajasi tezda o`zgarsa, bu faqat va faqat foyda. Ko`ramiz va kuzatamiz...
УЗ
-middle.jpg)