Lamifaren odamlarni chuv tushurishda davom etmoqda...(mi?)

21.05.2021 08:18

Ayni kunlarda telekanal va radiolar efiri "Lamifaren" degan mahsulotning reklamasi bilan to`lib ketdi. Aslida bu qanday mahsulot?

Bilogik ozuqalar xassadagi odamni yurgizdirib yuborish mumkinmi? Nega odamlarni aldab pulini olish rasmiy tus olayapti? Bunga shunchaki e`tiborsiz qarash qanchalik to`g`ri?

Odamlar ongiga uydirmalarni reklama qilish orqali singdirish mumkinmi? Oddiygina ko`katni o`nlab kasalliklarga davolaydi, deb turli yolg`on va bo`rttirmalar bilan bejash, manfaatdorlik uchun sodda odamlarni ishontirish qaysi qonunlarda yozilgan yoki insoniylikning qaysi mezonlariga to`g`ri keladi?

Aslida arzimas pul turadigan bu “Lamifaren” mahsuloti nega O`zbekiston aholisiga tan narxidan 10-20 barobar qimmat narxga sotilmoqda?

50 yildan beri tibbiyot xodimi bo`lib ishlayotgan, professor va biologlar hayratda. 30-40 ta kasallikka bitta o`simlik davo bo`la oladimi?

Rost24.uz axborot saytini kuzatib boring. Tez orada barcha tafsilotlar e`lon qilinadi.

Тег: Lamifaren biologik ozuqa dori

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади

Изоҳ қолдириш

Изоҳлар

07.06.2021 23:25

«turkiston damlamasi» haqida ham bir tadqiqot o'tkazinglar. narxi 1 oyga 1.5 mln ekan. onam tvda reklammasini korib, telefon qilib gaplashibdi. 3 oy ichishi kerak ekan. onamning «turkiston damlamasi» haqidagi gaplaridan keyin salkam tiriklik eleksiri ekan degan xulosaga keldim. shu rostmikin? Yoki tv (qaysi kanalligini bilmadim) ham kim pulini to'lasa orqasini surishtirmay reklama qilaveradimi? booknamy, tetbuk mi deganlari ham chiqqandiku. shunga o'xshash. bir paytlar 3-4 ta ayol qishlogimizga borib «Ламифарэн» ham 2-3 mln dan sotmoqchi bo'lishgan ekan. O'shanda ham onamni zo'rga olmaslikka ko'ndirgandim. Yana bularni 3-6 oylab ichish kerakmush. tyanshan, sibiriski zdaroviya, balo, battar. jonga tegib ketti. qariyalarni aldab pulini shiladi bular. xudodanam qo'rqmaydi. chorsuda 15 000 so'm tradigan shotut sirkasini «tiriklik eleksiri» deb 210 000 so'mga sotib ketibdi. dadam olibdi. :( Endi «turkiston damlamasi» dan 3 oylik olib ber deyabdi. 1.5 * 3 = 4.5 mln. BL.... ;(

06.06.2021 14:03

Ommaviy axborot vositalaridan foydalangan holda firibgarlik qilganlar uchun jazoni kuchaytirish kerak. "Sparkni puliga Malibu!!!" degan reklamadan qancha odam aldandi ekan?

21.05.2021 16:42

Хақиқатдан ҳам охирги вақтларда Ламифарэн маҳсулоти реклама орқали деярли ҳаммага таниш бўлиб қолди. Шахсан ўзим ҳам ушбу маҳсулот бўйича тайёрланган рекламани кузатиб, ишончдан ташқари ҳодиса эканлигини англаганман. Негаки, замонавий илм-фан ютуқларидан келиб чиққан ҳолда ушбу маҳсулотни афзалликлари тўғрисида ҳеч қайси бир тиббиёт ходими маъқул деганини кўрмадим ёки оммавий ахборот воситаларида тиббиёт соҳасининг мутахассислари томонидан ёқлаб берилган ахборотлар йўқ. Мен, маҳсулот рекламасини кўриб боғланиш учун қолдирилган телефон рақамига қўнғироқ қилиб сўраганман, нархи анчайин қиммат, шунингдек, касални кўрмасдан ташҳис қўймасдан оператор бемалол тавсия қилаверади. Хатто буюртма бермасангиз, сизнинг сақланиб қолган телефонингизга қайта-қайта телефон ҳам қилишади маҳсулотни олишингизни сўраб. Бир мулоҳаза қилиб кўрайлик , агар ҳақиқатда ламифарен маҳсулоти афзаллиги зўр бўлса нега шифокорлар, ёки шифохоналарда тавсия ёки берилмайди. Албатта бу менинг шахсий мулоҳазам.

21.05.2021 16:35