Berilgan matndagi imlo xatolari, tushib qolgan bo`sh joylar (probellar) va tinish belgilari to`g`rilandi. Mazmunga umuman teginilmadi, faqatgina imlo jihatdan mukammal holatga keltirildi.
Quyida to`g`rilangan variant:
Moody’s Ratings xalqaro reyting agentligi “Biznesni rivojlantirish banki” ATBning uzoq muddatli depozit reytinglarini “B1” darajasidan “Ba3” darajasiga oshirdi hamda reyting istiqbolini “Ijobiy”dan “Barqaror” darajaga o`zgartirdi.
Mazkur qaror Moody’s Ratings tomonidan O`zbekiston Respublikasining suveren reytinglari yaxshilanishi, mamlakatdagi operasion muhitning mustahkamlanishi hamda institusional va siyosiy islohotlarning davom ettirilishi bilan bog`liq holda qabul qilindi.
Reyting agentligi ma`lumotlariga ko`ra, O`zbekiston bank sektori uchun operasion muhit yaxshilanib bormoqda. Bu bank nazorati va tartibga solish tizimining rivojlanishi, iqtisodiy o`sishning barqaror sur`atlari hamda mamlakatning moliyaviy barqarorligi bilan izohlanadi.
Moody’s Ratings “Biznesni rivojlantirish banki” ATB reytingi oshirilishini bankning to`lov qobiliyati va likvidlik ko`rsatkichlarini yanada mustahkamlash imkoniyatlari bilan asoslagan.
Agentlik baholashiga ko`ra, bankning kredit portfeli sifati so`nggi yillarda sezilarli yaxshilangan hamda muammoli kreditlar ulushi keskin kamaygan. Bu korporativ kredit portfelini tozalash va avvalgi yillardagi muammoli aktivlar bo`yicha amalga oshirilgan chora-tadbirlar natijasidir.
Shuningdek, bank 2025 yil yakuni bo`yicha 531 mlrd so`m miqdorida sof foyda qayd etgan, bu 2024 yildagi salbiy ko`rsatkichlarga nisbatan sezilarli ijobiy natijani ifodalaydi.
Moody’s Ratings “Biznesni rivojlantirish banki” ATBning O`zbekiston Respublikasi hukumati tomonidan to`liq qo`llab-quvvatlanishi ehtimolini yuqori deb baholagan. Bunga bankning 100 foiz davlat ulushida ekanligi va kichik hamda o`rta biznesni rivojlantirish sohasida davlatning muhim moliyaviy instituti sifatidagi strategik roli asos bo`lgan.
Reyting ko`rsatkichlarining yaxshilanishi “Biznesni rivojlantirish banki” ATBning xalqaro moliya institutlari bilan hamkorligini yanada kengaytirish, tashqi moliya bozorlariga integrasiyalashuvini kuchaytirish hamda mamlakat tadbirkorlari uchun sifatli moliyaviy xizmatlar imkoniyatlarini oshirishga xizmat qiladi.
УЗ
