— Markaziy Osiyo davlatlariga Koreya Respublikasining yuqori sifatli oziq-ovqat mahsulotlarini etkazib berish yo`lga qo`yildi.
— O`zbekistondagi yirik supermarketlar tarmog`i — Korzinka ilk bor Koreyadan bevosita importni boshladi. Halol sertifikatga ega mahsulotlarni o`z ichiga olgan holda, Markaziy Osiyo davlatlarida Koreya Respublikasining yuqori sifatli oziq-ovqat mahsulotlarini barqaror importi va ta`minoti uchun mustahkam poydevor o`rnatildi.
O`zbekistonning eng yirik supermarketlar tarmog`i Korzinka Koreyaning Dongwon F&B kompaniyasi bilan to`g`ridan-to`g`ri import shartnomasini imzolab, mahalliy mijozlarga yuqori sifatli koreys oziq-ovqat mahsulotlarini etkazib berish uchun muhim asos yaratdi. Mazkur shartnoma Korzinka tarixida ilk bor Koreyadan bevosita mahsulot import qilinayotganini bildiradi. Shu bilan, avval uchinchi davlatlar orqali amalga oshirilgan import tizimidan voz kechilib, yanada barqaror va yangiligi saqlangan ta`minot tizimi yo`lga qo`yildi.
Import qilinadigan mahsulotlarga Dongwon F&Bning mashhur konservalangan tuna balig`i mahsulotlari kiradi: ▲ Lahm tuna balig`i ▲ Suvdagi tuna balig`i ▲ Kimchili tuna balig`i ▲ Achchiq tuna balig`i ▲ Juda achchiq tuna balig`i ▲ Barbekyu ta`mli tuna balig`i va boshqalar bo`lib, umumiy hajmi qariyb 110 ming donani tashkil etadi. Ayniqsa, ayrim mahsulotlar Halol sertifikatiga ega bo`lib, musulmon iste`molchilarning xavfsizlik va sifat talablariga to`liq javob beradi.
Dongwon guruhi 1969 yilda bir dona okean kemasi bilan faoliyat boshlagan bo`lsa, bugungi kunda global oziq-ovqat va logistika kompaniyasiga aylangan. 2024 yilda guruhning umumiy aylanmasi taxminan 6.5 milliard AQSh dollarini tashkil etadi. 2008 yilda esa AQShning eng yirik tuna baliqlarini konservalash kompaniyasi “Star Kist”ni sotib oldi va hozirda AQSh konservalangan tuna balig`i bozorining 50% dan ortig`ini egallab turibdi. “ Star Kist” yiliga qariyb 800 mln AQSh dollari daromad keltirib, Dongwon guruhining xalqaro faoliyatini kengaytirishda asosiy rol o`ynamoqda. Shuningdek, yaqinda Koreyaning mashhur qo`shiqchisi — BTS guruhi a`zosi Jin ishtirokida o`tkazilgan “Super Tuna” PR tadbiri butun dunyoda katta qiziqish uyg`otmoqda.
Korzinka vakilining aytishicha, “Dongwon F&B bilan bu hamkorlik nafaqat oddiy to`g`ridan-to`g`ri importi, balki Markaziy Osiyo bozorida Koreya Respublikasining yuqori sifatli oziq-ovqat mahsulotlari qiyofasini mustahkamlash, shuningdek, mijozlarga yanada xavfsiz va yuqori sifatli mahsulotlarni taqdim etishda muhim burilish nuqtasiga aylanadi”.
Dongwon F&B ushbu shartnomani amalga oshirish uchun qariyb ikki yil davomida bozor tadqiqotlari, mahalliylashtirish strategiyasi hamda doimiy muzokaralarni olib bordi. Bu jarayonda halol mahsulot sertifikati olish, tarkibiy qismlar tahlili, O`zbekistonda xorijiy importchi sifatida ro`yxatdan o`tish kabi ko`plab jarayonlar amalga oshirildi va bunda ikki davlat hukumati, elchixonalari hamda tegishli tashkilotlarning ko`magi muhim rol o`ynadi.
Korzinka esa mazkur shartnomani asos qilib, O`zbekiston bo`ylab faoliyat yuritayotgan 170 dan ortiq do`konlari va onlayn platformasi orqali Dongwon F&B mahsulotlarini taqdim etishni rejalashtirmoqda. Uzoq muddatda esa Markaziy Osiyoning qo`shni davlatlariga ham savdoni kengaytirish maqsad qilingan.
Natijada O`zbekiston iste`molchilari mahsulotlarning yanada barqaror ta`minoti, halol mahsulotlar assortimenti kengayishi va boshqa turli xil afzalliklarni amalda his qilishlari kutilmoqda.
УЗ
