33 yil davomida UZTELECOM O`zbekiston telekommunikasiya tizimining asosini ta`minlab kelmoqda. Bugun kompaniya 12 million abonentni birlashtirib, shaharlar, qishloqlar va mamlakatning eng olis hududlarida yashovchi aholiga aloqa va internet xizmatlarini taqdim etmoqda.
Kompaniyaning mobil tarmog`i mamlakat hududining 96 foizini qamrab oladi, optik tolali aloqa liniyalari uzunligi esa qariyb 300 000 kmni tashkil etadi. Bu esa yuqori tezlikdagi internetni telekommunikasiya nuqtayi nazaridan ilgari “ko`rinmas” bo`lgan eng chekka hududlarga ham ulash imkonini bermoqda.
Zamonaviy aloqa standartlari joriy qilinmoqda: viloyat markazlarida 5G, avtomagistralar bo`ylab 4G tarmog`ini kengaytirish, biznes va sport inshootlari ichida barqaror aloqa ta`minlash loyihalari, shuningdek, VoLTE va VoWi-Fi texnologiyalaridan foydalanish.
UZTELECOM echimlari tufayli O`zbekiston MDHda birinchi bo`lib barcha viloyat markazlarini 5G tarmog`i bilan ta`minladi. Toshkent va Samarqandda esa beshinchi avlodning to`laqonli qamrovi yaratildi. Bundan tashqari, respublika dunyo bo`yicha ikkinchi davlat bo`lib, 10 Gbit/sek tezlikdagi simli internet texnologiyasini joriy etdi.
MyUTC mobil ilovasi UZTELECOM raqamli ekotizimining markaziga aylandi. U asosiy xizmatlarni birlashtiradi: aloqa va tariflarni boshqarish, SIM va eSIM ulash, 150 dan ortiq servislar uchun to`lov, chet elda Travel eSIM ishlatish, transport to`lovi, mahalliy kompaniyalar aksiyalarini sotib olish, elektromobillarni quvvatlash. Bundan tashqari, cashback va o`z-o`ziga xizmat ko`rsatish imkoniyatlari ham mavjud. Bularning barchasi MyUTC ilovasini kundalik va professional vazifalar uchun universal platformaga aylantirmoqda.
UZTELECOM biznes va davlat tuzilmalarini asosiy raqamli infratuzilma bilan ta`minlamoqda: ma`lumot markazlari, bulutli platformalar, kiberxavfsizlik, xosting va videokuzatuv tizimlari. Bugungi kunda ushbu echimlardan butun mamlakat bo`ylab minglab tashkilotlar foydalanmoqda.
Tog`larda, cho`llarda va qishloq hududlarida yangi baza stansiyalari qurilishi davom etmoqda, “aqlli shaharlar” loyihalari amalga oshirilmoqda va mamlakatning barqaror rivojlanishini ta`minlaydigan milliy raqamli ekotizim shakllanmoqda.
UZTELECOM – 12 million abonent ishonch bildirgan operator. Ushbu ishonch yangi loyihalar va texnologiyalarga asos bo`lib, O`zbekistonning raqamli kelajagini belgilab bermoqda.
УЗ
