Barcha biznes vakillari tomonidan intizorlik bilan kutiladigan Davlat rahbarining tadbirkorlar bilan Ochiq muloqoti bu yil ham muammolarni o`ziga xos echimi bilan esda qoladigan bo`ldi.
Bu formatdagi uchrashuvlarda tadbirkorlarni qiynab kelayotgan ko`plab tizimli muammolarga echim topilib, berilgan imkoniyatlar yangi ish boshlayotgan ko`plab tadbirkorlarni rag`batlantiruvchi omil bo`layotganligi hech kimga sir emas.
Xususan “Tadbirkorlar virtual ofisi” axborot portali tushgan murojaat, takliflar tahlili va bevosita muloqot natijalari bo`yicha qabul qilingan Farmon bilan tadbirkorlik faoliyatini qo`llab-quvvatlash, zarur moliyaviy va infratuzilmaviy sharoitlarni yaratish uchun ajratiladigan moliyaviy resurslar va ularning manbaalari, Tashqi iqtisodiy faoliyatni amalga oshirish, turizmni rivojlantirish uchun imtiyoz va preferensiyalar va soliq to`lovchilarni rag`batlantirish choralarini ko`zda tutuvchi mexanizmlar belgilab berildi.
Eng asosiysi mazkur tadbirlarni amaliyotga joriy qilishning aniq muddatlari, mas`ul Vazirlik va qo`mitalar ko`rsatilib, topshiriqlarni ijrosini ta`minlanmagan mas`ullarning javobgarlik masalasi ham belgilab berildi.
УЗ
