Bu haqda O`zbekiston Milliy matbuot markazida bankning joriy yil o`tgan davridagi faoliyati amaliy natijalariga bag`ishlab o`tkazilgan brifingda Axborot xizmati rahbari Shuhrat Oripov ma`lum qildi.
Joriy yilning 1 iyul holatiga, “Biznesni rivojlantirish banki” ATBning kredit qo`yilmalari 23 trln. 447 mlrd. 298 mln. so`mga etdi. Bu borada o`tgan yilning mos davriga nisbatan 2 trln. 375 mlrd. 773 mln. so`mga yoki 11,3 foizga o`sishga erishilgan.
Bank tomonidan “Kichik biznesni uzluksiz qo`llab-quvvatlash” kompleks dasturi doirasida 1 909 nafar tadbirkorga 213,6 mlrd. so`mlik kredit mablag`lari ajratildi.
2025 yilning 6 oyi davomida “Biznesni rivojlantirish banki”ga respublika bo`yicha biriktirilgan 653 ta mahallada jami 734,8 mlrd. so`m kredit berilib, 138 ming 500 nafar aholi bandligi ta`minlandi. Shundan 50,5 ming nafari doimiy ishga joylashtirildi va 88 ming nafari tadbirkorlikka jalb qilindi.
Xususan, “Sayxunobod tajribasi” asosida xonadonbay ishlash tizimi orqali har bir mahalladagi xonadonlarga jami 135,6 mlrd. so`mlik 4 992 ta moliyaviy paketlar etkazib berildi hamda 15 ming 104 ta mikroloyihalar amalga oshirilib, 363 mlrd. so`m kredit yo`naltirildi. Natijada 30952 nafar aholi bandligi ta`minlandi.
“Uychi tajribasi” asosida xududlarda 684 ta uchrashuvlar o`tkazilib, 2 992 ta murojaatlar ko`rib chiqildi va hal qilindi. Buning natijasida 3 804 ta yangi ish o`rinlari yaratildi.
Umuman olganda “Biznesni rivojlantirish banki” tomonidan 2025 yilda barcha manbalar hisobidan 4 trln. 782 mlrd. so`m kredit ajratilgan.
Brifingda qayd etilishicha:
bankning jami mijozlari soni 1 mln. 793 ming 878 tadan oshdi;
bankning umumiy kapitali 5 trln. 86 mlrd. 339 mln. so`mni tashkil etdi. Bank kapitali 790 mlrd. 888 mln. so`mga yoki 18,4 foizga o`sgan;
bankning jami aktivlari 35 trln. 654 mlrd. 454 mln. so`mga etdi. Jami aktivlar yil boshiga nisbatan 3 trln. 521 mlrd. 56 mln. so`mga oshdi;
bankning daromad keltiruvchi aktivlari 30 trln. 75 mlrd. 570 mln. so`mga etdi. Daromad keltiruvchi aktivlar yil boshiga nisbatan 3 trln. 273 mlrd. 455 mln. so`mga oshdi yoki 12,2 foizga o`sish kuzatilgan;
bankdagi banklararo depozitlar qoldig`i 4 trln. 615 mlrd. 916 mln. so`mga etdi. Bu ko`rsatkich yil boshiga nisbatan 1 trln. 230 mlrd. 589 mln. so`mga oshdi. Yoki 36,4 foiz o`sishga erishilgan.
Brifingda bank rasmiysi “Biznesni rivojlantirish banki” ATB kelgusida ham zamonaviy xizmatlarni ko`rsatish, kichik biznesni moliyaviy qo`llab-quvvatlash orqali mijozlar ishonchini qozonishga va O`zbekiston moliya bozoridagi o`rnini yanada mustahkamlashga intilishini ta`kidladi.
УЗ
-middle.jpg)
