16 dekabr kuni prezident Shavkat Mirziyoev raisligida mahallalarda kambag`allikni qisqartirish bo`yicha qilingan ishlar sarhisobi va 2025 yil uchun ustuvor vazifalarga bag`ishlangan videoselektor yig`ilishi bo`lib o`tdi.
Unda kelgusi yil uchun quyidagi muhim vazifalarni bajarish maqsad qilib olindi:
—Endi oilaviy tadbirkorlik dasturini qo`llab-quvvatlab, ularni kichik va o`rta biznes darajasiga olib chiqiladi hamda ushbu tadbirkorlarga “Kichik biznesni qo`llab-quvvatlash” dasturi doirasida shartsiz 300 million so`m kredit beriladi. Ushbu dasturlarga kredit resurslari faqat davlat mablag`laridan ajratiladi;
— Osiyo taraqqiyot banki ommaboplik dasturiga 150 million dollar ajratishini ma`lum qildi;
—kelgusi yilda 9 ta davlat bankiga chetdan 1 milliard dollar kredit jalb qilib, 250 ming odam daromadli qilinadi;
—Davlat banklari venchur kompaniya ochib, mahalla startaplariga o`z mablag`idan jami 50 million dollar ajratadi;
—2025 yilda mingta og`ir mahalla infratuzilmasiga 3 trillion 200 milliard so`m ajratiladi;
Yig`ilishda 85 ming gektar erda kam daromadli ekin ekilgani uchun samarasi pastligicha qolayotgani qayd etildi. Shu munosabat bilan er egasiga ijara haqi va ekilgan mahsulotni sotishdan ulush to`lanadi;
—Respublika bo`yicha 60 ta ilg`or shahar-tumanni ishsizlik va kambag`allikdan xoli hududlarga aylantirish choralari ham muhokama qilindi.
Bu tumanlarda kelgusi yilda 2 million aholini band qilinib, 417 mingta oilani kambag`allikdan olib chiqiladi;
Oxirgi 5 yilda kichik va o`rta biznesning kredit portfelidagi ulushi 40 foizdan 28 foizgacha pasaygani ko`rsatib o`tildi. Bunday kreditlar ulushini 40 foizga yoki 120 trillion so`mga etkazish choralarini ko`rish zarurligi ta`kidlandi;
Xususan, banklar balansida 3 mingta harakatsiz mulk bor. Banklar ulardan tezroq qutilsa, qo`shimcha resurs va 150 mingta ish o`rni yaratish uchun zaxira paydo bo`ladi. Shu bois, banklarga harakatsiz mulklarni bozor qiymatida to`g`ridan-to`g`ri sotishga ruxsat berilishi belgilandi.
УЗ
