Ekskavator gaz quvuriga shikast etkazishi natijasida Yakkasaroy va Mirobod tumanlarining ayrim hududlarida tabiiy gaz ta`minoti vaqtincha to`xtatildi.
Bu haqda Hududgazta`minot AJ axborot xizmati xabar berdi.
Xabar qilinishicha, Toshkent shahri, Yakkasaroy tumani, Bobur ko`chasida qazish ishlarini olib borayotgan ekskavator ish jarayonida o`rta bosimli gaz quvurini uzib yuborgan.
Buning oqibatida, Yakkasaroy tumanida joylashgan ko`p qavatli binolardagi 2400 ta va 1100 ta erli xonadon, shuningdek, Mirobod tumanining Nukus, Abdulla Qahhor, Damariq va Hamid Sulaymon ko`chalari iste`molchilari vaqtincha tabiiy gaz tarmog`idan o`chirildi.
Ta`mirlash ishlari yakunlangach tabiiy gaz ta`minoti bosqichma-bosqich tiklanadi, deyiladi xabarda.
УЗ
-middle.jpg)
