“Kichik biznesni uzluksiz qo`llab-quvvatlash” kompleks dasturining asosiy tayanch banki hisoblangan “Biznesni rivojlantirish banki” ATB tadbirkorlarga bepul onlayn o`quv kurslarini taklif etmoqda.
Bank tadbirkorlarning salohiyati va dunyoqarashini oshirishga har jihatdan yordam bermoqda va mazkur yangi loyiha bunga yorqin misoldir. O`zbekistonda ilk bor Yaponiyaning taniqli va etakchi mentorlari bilan birgalikda tashkil etilayotgan o`quv kurslarida biznesni samarali boshqarish va rivojlantirish sirlari o`rgatiladi. O`quvlar Yamagata universiteti mutaxassislari tomonidan olib boriladi.
Ishtirokchilar Yaponiyaning rivojlangan biznes modellari, jumladan, Lean Management va Kaydzen metodlarini bevosita yapon ustozlaridan o`rganish imkoniga ega bo`lishadi. Bu nafaqat nazariy bilimlar, balki amaliy maslahatlar, vaqtni boshqarish va biznesni rejalashtirish kabi muhim jihatlarni ham qamrab oladi.
Mazkur loyiha biznesini boshlamoqchi bo`lganlar, faoliyatini rivojlantirishni ko`zlagan kichik va o`rta biznes egalari, shuningdek, faoliyatini yanada yuqori bosqichga olib chiqishni istagan tadbirkorlar uchun mo`ljallangan.
Kurslarni tamomlagan va test sinovidan muvaffaqiyatli o`tgan tadbirkorlarga Yamagata universiteti va “Biznesni rivojlantirish banki” ATBning xalqaro sertifikati takdim etiladi. Bu esa tadbirkorlarga xalqaro darajadagi tayanch yaratib, yangi biznes eshiklarini ochadi.
Yana bir o`ziga xos jihati, o`quv kurslari ishtirokchilarni va ularning biznesini Yaponiya kabi rivojlangan mamlakat bilan bog`laydi, xalqaro darajadagi hamkorlikni yo`lga qo`yadi.
Bunday qulay imkoniyatni qo`ldan boy bermang!
O`quv kurslarini Youtube tarmog`i orqali ushbu manzildan ko`rishingiz mumkin.
“Biznesni rivojlantirish banki” – orzularingizni haqiqatga aylantiramiz!
Murojaat uchun:
1254, 78 150-00-55
Reklama
УЗ
-middle.jpg)
