Nyu-York shahar meri Erik Adamsga qarshi korrupsiya bilan aloqador bir nechta federal jinoyat ishi bo`yicha tergov olib borilmoqda. Qizig`i, uning bu jinoiy ishlariga sheriklar orasida Nyu-Yorkdagi qurilish kompaniyasi rahbari, asli o`zbekistonlik Tolib Mansurov ham borligi ma`lum bo`ldi.
Bu haqda "New York Times" nashri xabar berdi.
Gap shundaki, Erik Adams jismoniy shaxslar, korxonalar, xayriya jamg`armalari yoki davlat idoralarini jalb qilish orqali ixtiyoriy moliyaviy badallarni to`plash bilan shug`ullangan.
Xabarga ko`ra, Erik Adams bu jarayonda ko`plab korrupsiyaga oid jinoyatlar sodir etgan. Tolib Mansurov esa, bir necha yildan beri uning bu noqonuniy ishiga sheriklik qilgan.
Ma`lum bo`lishicha, shahar meri Mansurovning bu yordami uchun bir necha muammolarini hal qilishga va`da bergan.
Jumladan, 2023 yilda Adams Quyi Manxettenda O`zbekiston bayrog`ini ko`tarish marosimini o`tkazishda Mansurovga ko`maklashgan.
Xabardan ma`lumki, shahar merining Nyu-York shahridagi o`zbek jamiyati bilan yaqin aloqasi bo`lgan.
Prokurorlarning ta`kidlashicha, Mansurov va uning xodimlari keyinroq advokatlar ishtirokida tergovchilar tomonidan yana so`roq qilingan. Oxir-oqibat, u Erik Adamsning korrupsiyaga oid jinoiy ishlariga aloqadorligini tan olgan, deyiladi xabarda.
УЗ
-middle.jpg)
