Prezident tomonidan imzolangan kodeks va reklamaga oid qonunlarga o`zgartirish va qo`shimchalar kiritildi. Bu haqda "Huquqiy axborot" telegram kanali ma`lum qildi.
Kuchaytirilgan qonun talablariga ko`ra, Jinoyat, JPK va MJtKga giyohvandlik vositalari, ularning analoglarini hamda psixotrop moddalarni telekommunikasiya tarmoqlari yoki internetdan foydalanish orqali sotgan, tarqatgan, saqlagan va voyaga etmaganlarni jalb qilgan shaxslarga nisbatan ma`muriy va jinoiy javobgarlik choralari ko`riladi.
Shuningdek, Jinoyat kodeksida giyohvandlik vositalarini qonunga hilof ravishda tayyorlash, sotish, tarqatish va shunga oid jinoyatlar bilan qo`lga tushgan shaxslar, ushbu jinoyatlarini qayta sodir etsa, quyidagi choralardan biri qo`llanilishi belgilandi:
— BHMning 50 baravarigacha miqdorda jarima;
— 360 soatgacha majburiy jamoat ishlari;
— 3 yilgacha axloq tuzatish ishlari;
— 1 yildan 3 yilgacha ozodlikni cheklash;
— 3 yilgacha ozodlikdan mahrum qilish.
Xususan, mazkur qonun rasman e`lon qilingan kundan boshlab kuchga kiradi.
УЗ
-middle.jpg)
