“Shovvozsoy” haqidagi asossiz va noxolis xabarlarga raddiya berildi

25.02.2021 03:17

So`nggi kunlarda ijtimoiy tarmoqlarda tarqalayotgan “Ugam-Chotqol” milliy tabiat bog`i tasarrufidagi dam olish maskani haqidagi turli asossiz va noxolis xabarlar yuzasidan quyidagilarni ma`lum qilamiz.

O`zbekiston Respublikasi Vazirlar Mahkamasining 2010 yildagi qaroriga asosan, Ugam-Chotqol milliy tabiat bog`i tasarrufidagi “Shovvozsoy” o`rmon xo`jaligi erlari “O`zbekiston temir yo`llari” kompaniyasiga temiryo`lchilar va ularning oila a`zolari, kompaniyaning xorijiy hamkorlari, mamlakatimiz aholisi va chet ellik sayyohlar uchun zamonaviy ekoturizm maskanini barpo etish va mavjud ekotizimni saqlab qolish maqsadida ajratilgan.

Bu erda 2011 yildan boshlab, ya`ni 10 yil davomida bosqichma-bosqich qurilish va bunyodkorlik ishlari olib borilgan. Barcha investisiyalar temir yo`l kompaniyasining byudjetdan tashqari mablag`lari, jumladan, daromadlari hisobidan amalga oshirilgan.

O`tgan o`n yil davomida dam olish maskani qurilishiga sarflangan investisiyalar hajmi 495 milliard so`mni tashkil etdi. Shu bilan bir qatorda, milliy bog` hududida tabiat va hayvonot olamini saqlash va rivojlantirish uchun zarur infratuzilmalar yaratildi, ob`ektgacha elektr tarmoqlari tortildi, avtomobil yo`li va kichik suv ombori barpo etildi.

Ayni paytda “O`zbekiston temir yo`llari” AJ tasarrufidagi “Nazarbek”, “Chimyon”, “Xojikent”, “Omonxona” kabi dam olish maskanlari, shuningdek, “Shovvozsoy” majmuasi ham kompaniyada faoliyat yuritayotgan qariyb 90 ming temiryo`lchilar va aholimizga sifatli xizmatlarni ko`rsatib kelmoqda.

Ushbu dam olish va sog`lomlashtirish maskanlarida “O`zbekiston temir yo`llari” AJ bilan shartnoma va yo`llanmalar asosida, temiryo`lchilar bilan bir qatorda, O`zbekiston Respublikasi Prezidenti Administrasiyasi, Vazirlar Mahkamasi, turli vazirlik, idora va davlat tashkilotlari, mahalliy hokimliklar, shuningdek, respublikamiz aholisi va chet ellik investorlar, hamkorlar va sayyohlarga ekoturizm va ekstremal turizm, salomatlikni mustahkamlash va qayta tiklash xizmatlari ko`rsatib kelinmoqda.

Axborot-tahliliy media markazi

Тег: Shovvoz temiryo`l "Ozodlik" radio

@rost24_uz_bot — Хабар йўлланг. Сизнинг хоҳишингизга кўра ҳар қандай маълумот сир сақланади

Изоҳ қолдириш

Изоҳлар

26.02.2021 20:49

Мана буни хакикат деса булади.Иштимоий тармоклар да игвочила купайиб кетди.

25.02.2021 09:10

Ассалому алайеум Азиз ҳалқим! .,, Шаввозсой,, масаласи бўйича мен ўз тахлилларимга суянган ҳолда тўлиқ ишондим ва ҳалқим ҳам ўз хулосасини қилганига аминман. Ўзбек ҳалқи кечаги, биқиқ ҳалқ эмас, оқни қорадан ажратиб олади. Энди МИЛЛАТИМ қулоғига лағмон осиб бўлмайди. Ҳеч ким бу раддияга ишонмайди. Мени мантиқий хулосам. Каримов ўлгандан кейин: 1. Мирзиёев, Каримов ўтирган кабинетга кириб ишламай, Сенатгп ўтиб ишлади, млрд сўм ҳалқ пули сарфланган бутун бошли хоналар бўш турибди. 2.Каримов минган самолётга чиқмади, янги Самолётлар олди. 3. Дўрмон қароргохидан фойдаланмай, Байтқўрғон тепасида янги қароргоҳ қурдирди. 4.Билдирсой ўрнига, Шавозсой комплексини қурдирганлигига ҳеч шубҳам йўқ. P. S. Бу қурилиш учун ўз бўйнига олаётган Ўзбекистон учун ,, Роттенберглик,, қилаётган Ўзб темир йўллари раҳбари А. Раматов чучварани хом санабди. Сабаби бунчалик сарф харажат қилишга, ҳали,, Ўзб. Темир йўллари,, кучи бундай қурилиш қилишга яна юз йилдан кейин ҳам кучи етмайди, эксплуатация ҳам қила олмайди. Бу саройни борлиги шахсан Мирзиёев учун қурилганлиги тўлиқ ҳақиқат.

25.02.2021 09:08

Ассалому алайеум Азиз ҳалқим! .,, Шаввоз,, масаласи бўйича мен ўз тахлилларимга суянган ҳолда тўлиқ ишондим ва ҳалқим ҳам ўз хулосасини қилганига аминман. Ўзбек ҳалқи кечаги, биқиқ ҳалқ эмас, оқни қорадан ажратиб олади. Энди МИЛЛАТИМ қулоғига лағмон осиб бўлмайди. Ҳеч ким бу раддияга ишонмайди. Мени мантиқий хулосам. Каримов ўлгандан кейин: 1. Мирзиёев, Каримов ўтирган кабинетга кириб ишламай, Сенатгп ўтиб ишлади, млрд сўм ҳалқ пули сарфланган бутун бошли хоналар бўш турибди. 2.Каримов минган самолётга чиқмади, янги Самолётлар олди. 3. Дўрмон қароргохидан фойдаланмай, Байтқўрғон тепасида янги қароргоҳ қурдирди. 4.Билдирсой ўрнига, Шавозсой комплексини қурдирганлигига ҳеч шубҳам йўқ. P. S. Бу қурилиш учун ўз бўйнига олаётган Ўзбекистон учун ,, Роттенберглик,, қилаётган Ўзб темир йўллари раҳбари А. Раматов чучварани хом санабди. Сабаби бунчалик сарф харажат қилишга, ҳали,, Ўзб. Темир йўллари,, кучи бундай қурилиш қилишга яна юз йилдан кейин ҳам кучи етмайди, эксплуатация ҳам қила олмайди. Бу саройни борлиги шахсан Мирзиёев учун қурилганлиги тўлиқ ҳақиқат.