Andijon viloyati Qo`rg`ontepa tumani Qorasuv shahrida joylashgan “Qorasuv” chegara bojxona posti 15 yillik tanaffusdan so`ng yana o`z faoliyatini qayta tikladi. Bu haqda Davlat bojxona qo`mitasi xabar berdi.
Qirg`izistonga o`tish imkonini beradigan “Qorasuv” chegara bojxona posti 3 gektardan ziyod maydonga ega bo`lib, endilikda bu erda kuniga 12 ming nafardan ziyod fuqarolar o`tib-qaytishlari mumkin.
Ma`lum qilinishicha, so`nggi etti yil ichida O`zbekiston va Qirg`iziston tashqi savdo aylanmasi 3 barobarga oshgan.
"2017 yilda Qirg`iziston bilan chegarada joylashgan bojxona postlarida 2,3 million nafar fuqarolar harakatlangan bo`lsa, bu ko`rsatkich 2023 yilda 16 million nafarga etdi.
Shuningdek, chegaradagi yuk avtotransport va temiryo`l vagonlari soni 7 barobarga oshdi. Ikki davlat tadbirkorlari bilan import va eksport aloqalari juda yaxshi yo`lga qo`yilgan bo`lib, tadbirkorlar soni 2,7 barobarga ko`paygan.
Hozirda, uzoq yillik tanaffusdan so`ng, "Qorasuv" va "Uchqo`rg`on" chegara postlarining qayta tiklanayotgani aloqalarning yanada mustahkamlanishiga ijobiy rag`bat beradi",
deyiladi xabarda.
УЗ
-middle.jpg)
