Toshkentda «Markaziy ippodrom», «Dori-darmon», «Shahar mehmonxonasi» kabi yirik ob`ektlar sotuvga qo`yildi

Davlat ulushi bo`lgan yirik mehmonxona, markaziy dorixona, stomatologiya xizmat ko`rsatish ob`ektlari Davlat aktivlarini boshqarish agentligi tomonidan sotuvga qo`yilgan.

Xususan, «Markaziy ippodrom», «Dori-darmon» aksionerlik jamiyati, «Respublika stomotologiya poliklinikasi» davlat unitar korxonasi, «Shahar mehmonxonasi» MChJ kabi yirik ob`ektlar sotilmoqda. Ular bilan bir qatorda yana 100 ga yaqin davlat ulushi bo`lgan, turli viloyatlarda joylashgan ijtimoiy soha, turizm va farmasevtika yo`nalishidagi tadbirkorlik majmualari ham sotilmoqda. 

Davlat aktivlarini boshqarish agentligi saytida sotuvga chiqarilgan mazkur muassasalar qachon ochiq sotuvga qo`yilgani haqida ma`lumot yo`q.