Tether kompaniyasi O`zbekistonning raqamli valyutasini ishlab chiqishga ko`maklashish uchun O`zbekiston bilan blokcheynga asoslangan P2P telekommunikasiya infratuzilmasini rivojlantirish bo`yicha hujjat imzolaganini ma`lum qildi.
Xabarga ko`ra, Tether "peer to peer" va blokcheyn texnologiyalarini joylashtirish uchun O`zbekistonni markaz sifatida tanlagan va O`zbekiston istiqbolli loyihalar milliy agentligi bilan o`zaro anglashuv memorandumi imzolagan.
Unda bu hamkorlik O`zbekiston hududida blokcheyn texnologiyasi, jumladan, stabilkoinlarni ishlab chiqish, joriy etish hamda raqamli aktivlarni tokenizasiya qilishni o`rganish va rag`batlantirishga asoslangan.
Shuningdek, Tether O`zbekistonda kriptoaktivlar uchun qonunchilik bazasi va tartibga solish siyosatini shakllantirishda, O`zbekistonning raqamli valyutasini ishlab chiqish va joriy etishda yordam berishini ma`lum qilgan.
Ma`lumot uchun, O`zbekistonda kriptovalyutalarni sotish qat`iy cheklangan bo`lib, faqat O`zbekiston istiqbolli loyihalar milliy agentligi tomonidan, cheklovlarga amal qilgan holda amalga oshirilishi mumkin.
УЗ
