O`zbekistonda turli sohalarning rivojlanayotgani haqida tinmay gapiriladi. Davlat telekanallarining asosiy mavzusi ham aynan rivojlanish haqida. Xo`sh, xalq bu rivojlanishni sezayaptimi? Jamoatchilik nazdida O`zbekistonda qaysi soha rivojlanib, qaysi biri rivojlanishdan ortda qolmoqda? Rost24.uz shu mavzuda so`rovnoma o`tkazdi.
O`zbekistonda qaysi soha yaxshi rivojlangan deb o`ylaysiz?
- Bunaqa soha O`zbekistonda yo`q deb o`ylayman.
- Hamma soha rivojlangan, korrupsiya ham rivojlangan...
- Bilmadim to`g`risi.
- Menimcha, sartaroshlik bo`lsa kerak.
- IT yaxshi rivojlanyapti deb o`ylayman.
- Rivojlanib borayotgan jurnalistlik va aytish g`alati tuyilar, lekin, blogerlik ham.
- Menimcha, sog`liqni saqlash bo`lsa kerak.
- Mening fikrimcha, iqtisod va IT
- Qurilish sohasi bo`lsa kerak.
Bizning keyingi savolimiz, qaysi soha rivojlanishdan ortda qolgani haqida bo`ldi va bu savolimizga ham turlicha javoblar oldik.
- Ko`p bunday soha turlari, sanab o`tishga. Juda ko`p-da...
- Ta`lim, maktab ta`limi.
- Tibbiyot.
- Rivojlanmagan soha, bilmadim to`g`risi.
- Maktab ta`limi umuman rivojlanmayapti.
- Umuman ruvojlanmagan soha yo`q menimcha, lekin, sekin rivojlanayotgan soha tibbiyot. U juda mashhur soha bo`lsa ham, superkontrakt bilan kirib ketadiganlar hisobiga shifokorlikning hurmati tushib bormoqda.
- Matbuot bo`lsa kerak.
- Tikuvchilik va dizaynerlik.
- Obodonlashtish ishlari umuman rivojlanmagan...
Savollarni berish jarayonida odamlar hatto, bular haqida umuman o`ylab ko`rmagan ekanman, to`g`risi, sohalarning ish faoliyatiga ham qiziqmagan ekanman, degan javoblarni ham oldik.
Sizningcha, O`zbekistonda qaysi soha rivojlanib, qaysi soha rivojlanishdan ortda qolmoqda?
УЗ
