Kecha Saudiya Arabistonining Jidda shahrida “Markaziy Osiyo - Ko`rfaz arab davlatlari hamkorlik kengashi” formatidagi birinchi sammiti bo`lib o`tdi.
Yig`ilishda ishtirok etgan Mirziyoev Ko`rfaz mamlakatlari bilan aloqalar yangi bosqichga ko`tarilganini, bugungi kunda umumiy loyihalar portfeli 20 milliard dollardan ortganini qayd etgan.
Shuningdek, Ko`rfaz davlatlarini mintaqa bilan bog`laydigan Trans-afg`on temir yo`lini qurish strategik loyihasida faol ishtirok etishga chaqirgan.
— Diqqatingizni Afg`oniston muammosiga qaratishni istar edim. Bu yurtda tinchlik o`rnatmasdan, nafaqat mintaqamiz, balki global xavfsizlikni ham ta`minlash mumkin emas», — deya yana afg`on masalasiga to`xtalgan Mirziyoev afg`on xalqi hayotini engil qilishga munosib hissa qo`shishga undagan.
Shu bilan birga, navbatdagi sammitni O`zbekistonda o`tkazishni taklif qilgan.
Bundan tashqari, O`zbekiston Prezidenti sammit doirasida Saudiya Arabistoni Podshohligi Valiahdi, Bosh vaziri Muhammad bin Salmon Ol Saud bilan uchrashuv o`tkazgan.
Avvalroq, tashrif doirasida Shavkat Mirziyoev muqaddas Makka shahriga borib, umra amallarini bajargani haqida xabar qilgandik.
УЗ
-middle.jpg)
