Texnikumni muvaffaqiyatli tamomlagan o`quvchilar oliy ta`limga suhbat asosida qabul qilinadi. Ular suhbatdan o`ta olsa, bakalaviriat yo`nalishining 2-bosqichidan o`qishni davom ettiradi.
Vazirlar Mahkamasining 2022 yil 11 yanvardagi 17-son qarori bilan “Texnikumlarni muvaffaqiyatli tamomlagan bitiruvchilarni oliy ta`lim muassasalarining bakalavriat ta`lim yo`nalishlariga suhbat asosida o`qishga qabul qilish tartibi to`g`risida”gi nizom tasdiqlangan edi.
Nizomga ko`ra, texnikumni tamomlaganlardan butun o`qish davomidagi o`quv semestrlarining yakuniga ko`ra, o`zlashtirish baholari “5” va “4” bo`lgan bitiruvchilar suhbatga kiradi. Biroq, o`zlashtirish baholarining kamida 50 foizi, tibbiyot muassasalari uchun esa 85 foizi “5” (a`lo) bo`lmagan bitiruvchilar suhbatga kirmaydi.
OTMga suhbat asosida qabul qilish imkoniyati texnikumni bitirgandan boshlab ikki yil amal qiladi. Ya`ni, bitiruvchi ikki yildan so`ng bu imkoniyatdan foydalana olmaydi.
Ushbu tartib oliy harbiy, oliy harbiylashtirilgan ta`lim muassasalariga, Toshkent davlat yuridik universiteti, O`zbekistondagi xorijiy va nodavlat oliy ta`lim muassasalariga va ularning filiallariga taalluqli emas.
УЗ
-middle.jpg)
