Guliston tumani hokimligi 2 oyda 33 ta sudda yutqazib, soliq to`lovchilarning 87 million so`mini sarflagan.
Byudjet mablag`ini sudga to`lovlariga sarflagan hokimlik fuqarolarni ham sudda sarson bo`lishiga sababchi bo`lgan.
Sirdaryo viloyati Guliston tumani hokimi bugun – 27 fevral kuni 46-9-124-F/23 sonli farmoyish chiqardi.
Farmoyishga ko`ra, tuman mahalliy byudjetining zaxira mablag`lari hisobidan hokimlikka 97 million so`m pul ajratilgan.
Mazkur xarajat sud qarori asosida hokimlikning kreditor qarzdorligini qoplashga 87 million so`m va tuman hokimligining xizmat avtomashinalarini joriy ta`mirlash uchun 10 million so`m, deb belgilangan.
Hokimlik bosh hisobchisiga ko`ra, 87 million so`m mablag`ni hokimlik fuqarolar bilan bo`lgan sudlarida yutqazganligi uchun ajratgan. Ya`ni bu xarajat – sud xarajatlarini to`lash uchun davlat boji.
Ma`lum qilinishicha, 2022 yil dekabr va 2023 yilning yanvar oylarida hokimlik va fuqarolar o`rtasida er bilan bog`liq jami 33 ta sudda hokimlik yutqazgan.
– Zaxiradagi erlarni davlat muhofazasiga olish uchun er egalarini sudga berganmiz, ba`zi fuqarolar eri "snos"ga tushagani bo`yicha sudga bergan, jami 33 ta sud uchun 87 million so`mlik davlat boji qarzdorligini to`layapti hokimlik. Bunda har bir sud uchun 3 million so`mdan to`g`ri keladi, - deydi hisobchi.
УЗ
-middle.jpg)