U mediada nega ko`rinmay qoldi?
So`nggi vaqtlarda medianing eng qizg`in jarayonlaridan kunlik yoki kutilayotgan o`zgarishlarga oid ishoralar berish bilan ham mashhur bo`lib borayotgan Komil Allamjonov nima uchundir shu kunlarda OAV olamida ko`rinmay qoldi.
Balki, bu jimlik ham Allamjonovning yana biron bir o`zgarishga nisbatan ishorasidir.
Prezident Administrasiyasi rahbari o`rinbosari ijtimoiy tarmoqlardagi sahifasiga so`nggi marta 26 yanvar kuni ma`lumot joylagan. Shu kundan buyon u o`z sahifasiga bir bor xabar yoki «belgi» qo`ygan emas.
Ajablanarlisi, xuddi shu sana arafasida "Kompromat.uzb ishi» nomi bilan shov-shuvlarga sabab bo`layotgan voqea ham sodir bo`lgan edi.
Allamjonov so`nggi xabarida boshlang`ich sinf o`quvchilari uchun sifatli darsliklar, sifatli ta`lim shu yil sentyabr oyidan boshlanishini aytgan. Kompromat.uzb ham Allamjonov kiritayotgan yangi darsliklarni yoqlab jadal ravishda amalda bo`lgan darsliklar va ularga aloqador shaxslarni turli isbotsiz tanqidlar ostiga olgan edi.
Komil Allamjonovning bu ilk bor g`oyib bo`lishi emas. U 2018 yil oktyabr oyida ham Prezident matbuot kotibi lavozimidan ozod etilgach, bir muddat mediada ko`rinish bermagan va ko`pchilikning yodida «cho`g`da qovurilayotgan bir six kabob» ishorasi bilan qolgan edi.
УЗ
