"Ma'rifat" gazetasi bosh muharriri Husan Karvonli Rost24.uz o`tkazayotgan “Yil tanlovi” bo`yicha o`z nominantlarini aytib o`tdi.
2022 yilning "Eng namunali" vazirligi?
— Tashqi ishlar vazirligi. Sababi sobiq vazir Abdulaziz Komilov. O`zbekiston Ukrainaning yaxlitligini tan oladi. LNR va DNR respublikalarini, ya`ni o`zlarini respublika deb e`lon qilganligini tan olmaydi. Ushbu fikrdan keyin "Eng yaxshi vazirlik" nominasiyaga munosib ko`raman.
2022 yilda yaxshi ishlay olmagan vazirlik?
— Hammasini aytishimiz mumkin. Yaxshi ishlay olmagani uchun mana ko`pchilik qisqarib, qo`shilib ketdi. Lekin ayni vaqtdagi sharoitning o`zi ham ko`rsatib turibdi. Energetika vazirligi 2022 yilda yaxshi ishlay olmadi.
2022-yilning "Eng namunali hududi" qaysi?
— Ko`pchilik Samarqand viloyat hokimi Erkinjon Turdimovni aytadi. Men ham shu fikrga qo`shilaman. Erkinjon Turdimovning boshqalardan ustun tarafi menimcha odamlar bilan ishlay olishi, ularni ko`ngliga yo`l topa bilishida deb o`ylayman.
2022 yilning "Media lideri" kim?
— Bu savolni 10 yil oldin so`raganingizda ham Karim Bahriev deb javob bergan bo`lardim. Hozir ham shu fikrdaman. Unda jurnalistga xos, haq so`zni aytish prinsipida barqaror turib kelayotgan ijodkor sifatida bilaman.
2022 yilning "Yil odami" nominasiyasiga munosib nomzod?
— O`tgan yili ham shu savolga Nodirbek Abdusattorov degan edim. Bu yil haqiqatdan isbotladi. Nodirbek Abdusattorovni so`zsiz “Yil odami”ga munosib degan bo`lar edim.
2022 yilning "Eng namunali matbuot kotibi" kim?
— Biz ko`proq ta`lim tashkilotlari bilan ishlaymiz. Shulardan kelib chiqib Prezident ta`lim muassasalari agentligi matbuot kotibi Dilfuza Sobirovani aytgan bo`lardim.
2022 yilning "Eng faol deputati" kim?
— Rasul Kusherboev, Doniyor G`anievni ham aytish mumkin, lekin Kusherboev G`anievdan ko`ra tajribaliroq.
УЗ
-middle.jpg)
